Marneulidə işləyən pedaqoq, Milli Müəllim Mükafatının qaliblərindən
biri Qiorqi Çauçidze “xarici təsir agentləri” haqqında qanun
layihəsinə münasibət bildirib.
O, qeyd edir ki, qanun layihəsinin məqsədlərindən biri qütbləşmiş
cəmiyyətin daha da parçalanmasıdır. Müəllim hesab edir ki, qanun
Gürcüstan əhalisinə ziyan gətirəcək.
“Bu gün buna diqqət yetirmək, bunu düşünmək istədikləri
qeyri-müəyyəndir. Görünür, məqsəd budur ki, qanun layihəsinin
müəllifləri kimin Avropadan, Amerika fondlarından
maliyyələşdirildiyini bilmək istəyirlər. Axı bu onsuz da aydındır?
Kimsə bilmir? Mən, məsələn, bizim qərbdən olan dost tərəfdaş
ölkələrin maliyyəsi ilə çox layihə həyata keçirmişəm. İndi də USAİD
tərəfindən maliyyələşdirilən təhsil proqramı üzərində işləyirəm. Bu
kimin üçünsə gizlidir? Bu qanun layihəsinin müəlliflərinin nə
istədikləri aydın deyil. Amma nəticələrə əsasən görünür. Bu gün
vəziyyətin necə gərgin olduğunu görürsünüz. Vəziyyət yenə də
qarşı-qarşıyadır. Qütbləşmiş cəmiyyəti daha da parçalamaq –
nəticədə bunu əldə edirik. Bu halda yalnız hakimiyyət və keçmiş
hakimiyyət tərəfini nəzərdə tutmuram. Eləcə də müxalifət tərəfində
də bu baxımdan, bu qaranlıq məqsədləri həyata keçirmək baxımından
yaxşı tərəfdaşlar var ki, bizim cəmiyyət yenə necə isə parçalansın.
Bu bir oyunçunun oyunu deyil. İkitərəfli iştirak lazımdır və belə
adamlar burada da, orada da var. Bu prosesdə bizim, ictimaiyyətin
əksər üzvlərinin maraqları ümumiyyətlə başqa yerə
yönləndirilib”.
Müəllim fikirləşir ki, əgər qanun layihəsini qəbul etsələr, belə
onun icrası mümkün deyil və karikatura olaraq qalacaq.
“Ən aqressiv formada da olsa, bu qanunu qəbul etsələr
də, bu gün Gürcüstanda, 2023-cü ildə bunu ciddi icra etmək mümkün
deyil. Bu sadəcə karikatura olacaq, tam əminəm. Nə ötən əsr, nə də
ötən sərsin 30-cu illəri deyil, biz başqa ictimaiyyətik. Bizim
qərbli dostlarımız bizimlədirlər və bizim onlara inteqrasiya
olmağımızla maraqlanırlar”.
"Gürcü Arzusundan" formal olaraq ayrılmış "Xalqın gücü" qrupu
Gürcüstan Parlamentində “xarici təsir agenti” haqqında qanun
layihəsini qeydiyyatdan keçirib. Qanun layihəsinə əsasən, gəlirinin
20%-dən çoxu xarici təşkilatlardan maliyyələşdirilən bütün media və
qeyri-hökumət təşkilatları “Xarici təsir agenti” hesab olunacaq.
Rusiya analoji qanunu 2012-ci ildə qəbul edib və bu faktiki olaraq
azad media və mülki sektoru məhv edib. Gürcüstanda fəaliyyət
göstərən müstəqil media və QHT nümayəndələri bildirirlər ki, yeni
qanun layihəsinin məqsədi Rusiya kimi Gürcüstanda da müstəqil
media, QHT-ni məhv etməkdir.
6 mart tarixində Gürcüstan Parlamentində artıq ikinci dəfə qanun
layihəsini müzakirə edirlər. Səhərdən yüzlərlə adam Parlament
qarşısına toplaşıb Rusiya analoqu olan qanun layihəsinə etiraz
edirlər.