5 mart tarixində Marneuli rayonunun Kürtlər kəndində Arzu Tükənova
dəstək məqsədi ilə qanvermə aksiyası keçirilib.
Qanvermə aksiyasında Kürtlər ərazi vahidliyinə daxil olan Kürtlər,
Baydar, Böyük Muğanlı və Lejbəddin kəndlərinin sakinləri iştirak
ediblər.
Marneuli rayonunun Ağməmmədli kəndində yaşayan Arzu Tükənov
illərdir ki, böyrək çatışmazlığından əziyyət çəkir. Onun əməliyyat
olunması üçün 80 000 dollara ehtiyac var. Xeyriyyə aksiyası
yardımsevər insanlar tərəfindən təşkil olunub. Qanvermə aksiyası 5
mart saat 10:00-dan 18:00-dək davam edəcək. Aksiyaya könüllü olaraq
qoşulmaq mümkündür.
Xatırladaq ki, Kürtlər ərazi vahidliyinə daxil olan kəndlərdən Arzu
Tükənova 1 000 lari dəyərində maddi yardım da toplanmışdı. Maddi
yardım kənd sakinləri tərəfindən Tükənovlar ailəsinə təqdim
olunmuşdu.
Qeyd edək ki, 45 yaşlı Arzu Tükənov böyrək çatışmazlığından əziyyət
çəkir və təcili olaraq böyrək köçürülməlidir. Ailənin əməliyyat
üçün maddi imkanları yoxdur. Buna görə də ailə vətəndaşlardan kömək
istəyir.
Yaxınlarının verdiyi məlumata görə, onun ailə üzvlərinin heç biri
donor ola bilməyib. Buna görə də o, təcili şəkildə xaricə
aparılmalıdır. Həmin əməliyyat isə Belarusda fəaliyyət göstərən
xəstəxanaların birində həyata keçiriləcək.
Maddi yardım göstərmək üçün hesab nömrəsi:
GE73BG0000000797410500 və ya
GE03LB0711117152472002.