Çox bahaçılıqdır, qazanc da yoxdur, hamı burada qəpiyə durur – Marneuli sakinləri qiymət artımından şikayətlənirlər (VİDEO)
14:18 / 15.03.2023
Azərbaycan xalqının milli bayramı olan Novruza bir neçə gün qalır.
Bayramın gəlişi ilə əlaqədar olaraq Marneuli bazarında sıxlıq
müşahidə olunur. Sakinlər bayram hazırlığı üçün alış-veriş edir,
lazım olan ərzaqları alırlar.
“Marneuli” radiosu Marneuli bazarı ətrafında sorğu keçirərək
sakinlərin qiymətlərlə bağlı fikirləri ilə maraqlandı.
Sakinlərin sözlərinə görə, əvvəlki illərə nisbətən məhsulların
qiyməti bu il daha da artıb.
Onlar Gürcüstanda işsizlik səviyyəsinin artmasından, məhsulların
günü-gündən artan qiymətlərindən narahat olduqlarını
bildirdilər.