16 mart axşam saatlarından Marneuli bələdiyyəsinin Saimerlo kəndinə
və Marneuli şəhərinin bir hissəsinə içməli su verilmir.
Gürcüstan Birləşmiş Su Təchizatı Şirkətindən “Marneuli” radiosuna
bildirdilər ki, içməli suyun verilməməsinə transformatorun sıradan
çıxması səbəb olub. Qeyd edək ki, Saimerlo kəndinə bir neçə gün
ərzində içməli su aşağı təzyiqlə verilirdi.
Gürcüstan Birləşmiş Su Təchizatı Şirkətindən bildirirlər ki,
sıradan çıxmış transformatorun təmirinə artıq başlanılıb. Onların
bildirdiyinə görə, Saimerlo kəndinə və Marneuli şəhərinin bir
hissəsinə su saat 18:00-dan veriləcək.