Marneuli bələdiyyəsi meriya binasının bərpası/yenidən qurulması
üçün yeddinci dəfə tender elan edib.
Yerli özünüidarə təxminən bir ildir, işləri həyata keçirəcək
şirkəti axtarır. Baş tutmayan ilk altı tenderin ikisində iştirak
edən şirkət texniki sənədlərə görə tenderdən uzaqlaşdırılıb, beş
tenderdə isə heç kim iştirak etməyib.
Meriya binasının bərpası/yenidən qurulması üçün 261 327 lari
ayrılmışdı. Ancaq bələdiyyə yeni tenderdə vəsaiti artırıb və ümumi
dəyər 321 519 lari təşkil edir. Tenderdə iştirak etmək istəyən
şirkətlər 5 apreldən 10 aprel tarixinədək öz təkliflərini təqdim
edə bilərlər.
Layihədə birinci mərtəbədə əhali ilə ünsiyyət prosesinin
asanlaşdırılması məqsədi ilə dəftərxana otağının sahəsini artırmaq
və aralıqlarla sahələrə ayırmaq nəzərdə tutulub. Eləcə də birinci
mərhələdə dəhliz divarlarının boyanması və qapıların dəyişdirilməsi
nəzərdə tutulur.
Birinci mərtəbənin otaqlarının bir qismində təmir işlər nəzərdə
tutulur. İkinci mərtəbədəki qovşağın yenilənməsi və mövcud iş
otağında yeni qovşağın qurulması planlaşdırılır. Üçüncü mərtəbədə
pilləkənlərin divarlarının boyanması və s. nəzərdə tutulub.