İrina Mikava Kvemo Kartlidən ilin uğurlu vətəndaş təhsili müəllimi
seçilib.
25 mart tarixində vətəndaş təhsili müəllimlərinin illik
konfrans-sərgisi baş tutub. İrina Mikava bir ildir ki, Bolnisi
bələdiyyəsinin İohane Bolneli adına məktəbində işləyir.
O, “Marneuli” radiosu ilə söhbəti zamanı bildirdi ki, bu dövr
ərzində şagirdlərə qeyri-formal təhsil yolu ilə insan hüquqları,
vətəndaş fəallığı, könüllülük, tolerantlıq və s. kimi mühüm
mövzularda dəstək olmağa çalışıb.
“Bir il əvvəl vətəndaş təhsili üzrə dəvət edilmiş müəllim olaraq
İohane Bolneli adına məktəbdə “Dəyişikliklərin piki/ Peak of
changes” vətəndaş təhsili klubnu yaratdım. Klubu təsis etdiyim
gündən ümumi dəyərlərə və məktəbdə, eləcə də icmada qeyri-formal
fəal olmaq yolu ilə dəyişiklik etməyə çalışırıq. 75-ə yaxın görüş,
fəallıqlar göstərir ki, biz bacardıq. İnsan hüquqları, vətəndaş
fəallığı, könüllülük, qadına qarşı zorakılıq, uşaq hüquqları,
tolerantlıq, bərabərlik, Avropa İttifaqı və NATO haqqında
layihələri uğurla həyata keçirdik. “Diplomatiya məktəbi 2023” kimi
mühüm layihəyə başladı və üç ölkənin səfiri ilə görüş keçirdim.
İtaliya, Niderland, Braziliya və Bolqarıstan səfirlərini də
gözləyirik. Bütün layihələr gənclərin iştirakına əsaslanır. Onlar
özləri və başqaları üçün imkanlar yaradırlar, gənclərlə birlikdə,
gənclər üçün işləyirik. Avropa İttifaqının EU4Youth proqramının
dəstəklədiyi, yerli və beynəlxalq donorlar tərəfindən dəstəklənən
gənclər üçün layihələr, Bolnisi gənclər məkanının yaradılması da
məhz buna xidmət göstərir. Müəllimlik sənətdir, sən şagird üçün
motivasiya, transformasiya və imkanları mənbəyinə
çevrilirsən” – İrina Mikava bildirdi.
Vətəndaş təhsili müəllimlərinin illik konfrans-sərgisi USAİD-in
vətəndaş təhsili proqramı çərçivəsində keçirilir.
Tədbirlər həyata keçirilən zaman ilin ən yaxşı vətəndaş təhsili
müəllimləri, ilin uğurlu pedaqoqları və məktəblərin vətəndaş
təhsili klublarının ən yaxşı qəyyumları müəyyən edilib.
Qaliblərə ABŞ-ın Gürcüstandakı səfiri Keli Deqnan və digər dəvət
edilmiş qonaqlar mükafat təqdim edib.