“Şotaoba” – 20 noyabr tarixində Marneulidə hansı aktivliklər keçiriləcək
20 noyabr tarixində, Marneulidə “Şotaoba” qeyd olunacaq. Marneuli meriyası tərəfindən yayımlanmış məlumata görə, tədbir Şota Rustavelinin heykəlinin yanında və Marneuli Mədəniyyət Mərkəzinin zalında keçiriləcək.

Tədbir çərçivəsində müxtəlif əyləncəli, maarifləndirici aktivliklər baş tutacaq:
  • Saat 14:00-14:05 – Abidəyə əklil qoyulması
  • Saat 14:05-14:15 – “Pələng dərisi geymiş pəhləvandan” aforimzlər – Marneulinin 5 saylı ictimai məktəbi tərəfindən təqdim olunacaq performans.
  • Saat 14:20- 15 :00 – Tamaşa, dekorasiyalarla Şota Rustaveli dövrünün canlandırılması, “Pələng dərisi geymiş pəhləvandan” parçalar oynanılacaq. Tamaşada dəvət edilmiş aktyorlar və Marneuli bələdiyyəsinin Mədəniyyət Mərkəzində fəaliyyət göstərən “İberia” xoreqoraf ansamblının rəqqasları iştirak edəcəklər.
Marneuli meriyası “Şotaoba 2023”-ün qeyd olunması üçün 11 690 lari dəyərində tender elan edib. Tenderdə yeganə namizəd, Manana Nasidze iştirak edib və meriyaya işləri 10 530 lariyə həyata keçirməyi təklif edib. İndiki mərhələdə namizədlə müqavilənin hazırlanması prosesi aparılır.

Marneuli Bələdiyyə Məclisi “Şotaoba” bayramının təyin edilməsini 2021-ci ilin 6 avqust tarixində dəstəkləyib. Bayramın təyin edilməsi təşəbbüsü ilə Bələdiyyə Məclisi iclasında meriyann Təhsil, Mədəniyyət, İdman və Gənclər Şöbəsinin rəhbəri Elquca Kupatadze irəli sürüb və qeyd edib ki, “Şotaoba” xalq bayramı bələdiyyədə hər il 20 noyabr tarixində qeyd olunacaq.

Qeyd edək ki, Marneulidə Şota Rustaveli abidəsinin rəsmi açılışı 2021-ci il 24 noyabr tarixində baş tutub. Abidənin alınması və quraşdırılması bələdiyyəyə 112 520 lariyə başa gəlib.

Print Email
FaceBook Twitter Google