Meriya Marneulinin Qaçağan kəndində yolların bərpa işləri üçün tender elan edib.

Yerli özünüidarə kənddə 2 yola asflat qatının çəkilməsini planlaşdırır. Yolun ümumi uzunluğu 939 metrdir.

“Layihədə nəzərdə tutulan hissədəki örtük çınqıllı torpaqdır və oyuqlar qeydə alınır, profillər pozulub. Layihə ilə hər iki yolda ikiqat asfalt-beton örtüyün çəkilməsi nəzərdə tutulub” – Qaçağanın daxili yollarının bərpa işlərinin smeta sənədlərində qeyd olunub.

Marneuli yerli özünüidarəsi Qaçağan kəndində faxili yollara asfalt qatının çəkilməsi üçün 435 240 lari dəyərində tender elan edib.

Tenderdə iştirak etmək istəyən şirkətlər 28 sentyabrdan 3 oktyabr tarixinə qədər öz təkliflərini təqdim edə bilərlər. Tenderdə qalib gələn şirkət müqavilə bağlandıqdan 70 gün ərzində işləri yerinə yetirməlidir.