Bu gün, 1 noyabr tarixində “Birlik – Milli Hərəkat”-ın Marneuli ofisində Ramal Əhmədov brifinq keçirdi. Əhmədov brifinqdə qeyd etdi ki, 26 oktyabr tarixində keçirilən seçkilər zamanı partiyanın Marneuli qərargahının rəhbəri Azad Kərimovun döyülməsi faktı ilə bağlı heç kim saxlanılmayıb.

O, bildirdi ki, Azad Kərimov Marneuli Bələdiyyə Məclisinin üzvü Ceyhun Çovdarov tərəfindən döyülüb. Onun qeyd etdiyinə görə, nə Daxili İşlər Nazirliyi, nə də Prokurorluq heç bir reaksiya göstərməyib.

“Azad Kərimov Gürcü Arzusu partiyasının deputatı Ceyhun Çovdarov tərəfindən döyüldü. Hal-hazırda Azad Kərimov xəstəxanadadır. O, burun nahiyəsindən əməliyyat olundu. Üzündə də qırıqlar var. 5 gün keçməsinə baxmayaraq, bu işə nə DİN, nə də Prokurorluq reaksiya verməyib. Mən bir deputat olaraq burdan Daxili İşlər Nazirliyinə və Baş Prokurorluğa müraciət edirəm ki, orda Azad Kərimova qarşı neçə nəfər zorakılıq törədibsə, fiziki güc göstəribsə, onlar dərhal cinayət məsuliyyətinə və istintaqa cəlb olunmalıdırlar. Yəni bu onu göstərir ki, Ceyhun Çovdarov hansısa Gürcü Arzusundan və ya kimdənsə aldığı tapşırıqlara görə Kərimovu o günə salıb. Biz bu məsələnin axırına kimi gedəcəyik”.


Əhmədov onu da bildirdi ki, Azad Kərimovun vəziyyəti stabildir və hal-hazırda xəstəxanadadır.

Bələdiyyə Məclisinin deputatı onu da qeyd etdi ki, 26 oktyabrda baş tutan seçkilər Rusiyanın Gürcüstanda keçirdiyi xüsusi bir əməliyyat idi.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---