Marneuli şəhəri Musxelişvili küçəsində, 6 saylı ictimai məktəbinin yanında 7 yeni bina tikiləcək.

6 noyabr tarixində keçirilən iclasda Marneuli Bələdiyyə Məclisi Musxelişvili küçəsində yeni binaların tikintisi ilə bağlı planı təsdiqləyib.

“Marneuli şəhərində, Musxelişvili küçəsində çoxmənzilli 7 yaşayış binasının tikintisi planlaşdırılır. Həmçinin, idman meydançası, park, dayanacaq və piyada yollarının salınması nəzərdə tutulur. Yəni deyə bilərik ki, Marneuli

şəhərinə gözəl məhəllələrdən biri də əlavə olunacaq və bu layihə həyata keçirilsə, çox yaxşı olar”, – deyə Marneuli meriyasının nümayəndəsi məsələni müzakirə edərkən bildirib.

Onun sözlərinə görə, yeni yaşayış binaları 2,5 hektar ərazidə yerləşəcək.

Layihəni “MMK Group” MMC həyata keçirəcək. “MMK Group” MMC 2021-ci ildə təsis edilib. Onun təsisçici və 100%-lik səhmlərinin sahibi Davit Muradaşvilidir.

Marneuli Bələdiyyə Məclisinin iclasında ümumilikdə 4 məsələ müzakirə olunub və bütün məsələlər ilə bağlı müsbət qərar qəbul olunub.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---