Marneuli Bələdiyyəsinin Mədəniyyət Mərkəzinin rəhbəri Nato Şavişvili Gürcüstanda baş verənlərə münasibət bildirib.
O, zorakılığı qəbul etmədiyini deyib. Şavişvili hesab edir ki, aksiyada bizim gələcəyimiz dayanıb, vicdanlı, savadlı, mübariz gənclər. Nato Şavişvili Marneulidən olan, baş verənlərlə bağlı fikirlərini açıq deyən nadir dövlət məmurlarındandır.

“Zorakılığa haqq qazandırmaq olmaz!!! Qiymətləndirmə zamanı “amma” yazılmır!!! Zorakılıq səhnələrinə gülməzlər!!!! Onlar izahat axtarmırlar!!!

Orada sizin/bizim gələcəyimiz dayanır! Tam səmimi, savadlı, mübariz gənclər! Vətənimizin gözəl gələcəyi üçün mübarizə aparanlar! Göz yaşlarına qədər ağrıyanlar! Öz tarixinin heç olmasa bir səhifəsini açanlar bilirlər ki, həmişə belə olub. Qələbələr gənclərin çiynində dayanıb, sümüklərində qorxu olan insanların deyil! Bu isterik istehzaya baxıram, əmilərdən, atalardan gələn hədələri oxuyuram... Kimin sümüklərini qırırsınız?! Uşaqlarınızı evdə saxlayırsınızsa, və ya bəlkə də bunu bacarmırsınızsa, heç olmasa anlayın ki, sizin uşağınızla eyni yaşda olan nəsil orada dayanır, uşağınızın dostları, sizin qohumlarınız və onların uşaqları!!! Rusiyaya qarşı döyüşmüş şəxslər, kimi hədələdiyinizi dərk edirsiniz?! Yaxud özü zorakılıq qurbanı olanlardan soruşmaq istəyirəm, indi nəyə haqq qazandırırsınız??? Xalqın səsini dinləyin!!! Qulaq asın!!!!!!!!", - Şavişvili yazır.


Artıq səkkizinci gündür ki, şəhər və rayonlarda ölkənin Avrointeqrasiya yolundan çıxmasına etiraz edilir. Dekabrın 4-də Marneulidə etiraz aksiyası keçirilib və bu Marneuli meriyası və Bələdiyyə Məclisi əməkdaşlarının istehza dalğası ilə müşayiət olunub. Özünüidarədə çalışan insanlar etirazçıları ələ salır, binadan etirazçıların videolarını yayımlayır və istehzalı qiymətləndirmələr edirdilər.