Beşinci gündür ki, aclıq aksiyası keçirən Dmanisili mülki fəal Laşa Çxvimiani Dmanisidə etiraz aksiyası anons edir. Çxvimiani Dmanisi əhalisinə müraciət edərək onları birləşməyə çağırır.

"Mən burada müddəti keçmiş və zərərli bir hökumətə ümid edərək dayanmıram. Əksinə, mən burada onlara qəzəblənərək dayanıram və qəzəblə boğuluram ki, onlar fokusu itiriblər, onlar üçün əsas dəyər artıq insanlar deyil,

belə bir hökumətə insanların təhlükəsizliyi və həyatı həvalə oluna bilməz” - Çxvimiani bildirib.

Bu gün, fevralın 3-də yayımlanan videoda Çxvimani vətəndaşları həmrəyliyə və ümumi məqsədə çatmaq üçün birləşməyə çağırıb.

“Əgər insanların birləşdiyini görsəm, böyük ümidlə aclığa son qoyacağam və birləşmiş dmanislilərlə birlikdə daha da güclənərək bu ümumi mübarizəyə qoşulacağam. Bu mübarizə isə növbəti hakimiyyəti mütləq ədalətli olmağa və xalqı dinləməyə məcbur edəcək. Çərşənbə axşamı, Dmanisi meriyasının qarşısında, maşınımda dayandığım mərkəzi parkın yaxınlığında, 400-500 nəfərə bu meydanı doldursaq, elə həmin axşam aclıq aksiyamı dayandıracağam. Dmanisi heç vaxt belə birlik nümunəsi göstərməyib və bu mənim üçün kiçik, lakin çox vacib qələbə, əlamət, ümid olacaq ki, bu birləşmiş insanlar hökuməti qanunsuz məhbusları azad etməyə, yeni, ədalətli seçkilər keçirməyə məcbur edəcəklər”.

Çxvimiani bildirib ki, vətəndaşlar ümumi məqsəd və həmrəylik üçün bir araya gəlməsələr, aclıq aksiyasını davam etdirəcək.

“Əks halda, yenə də xalqın birliyini gözləyərək aclıq aksiyamı davam etdirəcəyəm. Mən ədalətsizliyə göz yumduğumuz və insanlar olaraq bir-birimizlə həmrəyliyə ümidimizi itirdiyimiz bir ölkədə daha yaşaya bilmərəm” - Laşa Çxvimiani bildirib.

Laşa Çxvimiani aclıq aksiyasına yanvarın 30-da başlayıb. O, iki əsas tələbi: Ədalətli seçkilərin keçirilməsini və siyasi məhbusların azad edilməsini dilə gətirərək “Mən həqiqət üçün öləcəyəm” yazıb.

Yanvarın 30-da Laşa Çxvimianinin anası da oğlu ilə həmrəylik nümayiş etdirmək üçün aclıq aksiyasına başlayıb. Laşanın bu gün yayımlanan videosunda izah etdiyi kimi, anası dünən, fevralın 2-də “xalqın birləşəcəyi ümidi ilə” aclıq aksiyasını dayandırıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---