Bu gün, fevralın 10-da Marneuli bələdiyyəsinin Təzəkənd kəndində Kəndə Dəstək Proqramı çərçivəsində ümumi yığıncaq keçirildi.

Təzəkənddə toplantı keçirmək üçün 200 nəfər sakinin imzası tələb olundu. Əvvəlki illərdə olduğu kimi, bu il də kənddə imza toplamaq çətinləşdi – məktəblərdən müəllimləri gətirdilər, iclas yarım saat gec başladı.

Marneuli meriyasının nümayəndələri “Marneuli” radiosuna bildirdilər ki, görüşü legitimləşdirmək üçün kifayət qədər imza toplayıblar.

Sakinlər ötən il olduğu kimi, yolların asfaltlanması/çınqıl tökülməsi və küçə işıqlandırmasının quraşdırılmasını prioritet kimi irəli sürdülər. Bu il Təzəkənd sakinləri kəndə küçə işıqlarının quraşdırılmasına dəstək verdilər. 

Marneuli meriyasının maliyyə-büdcə şöbəsinin müdiri Koba Çxitunidze Təzəkənd sakinlərinə vəd verib ki, meriya yolların çınqıl və asfaltlanması məsələsini prioritetləşdirəcək, bunu növbəti illərin büdcəsinə daxil edəcək.

2024-cü il fevralın 12-də Təzəkənddə ümumi yığıncaq keçirildi. Hələ o vaxt bələdiyyə ilə müzakirə zamanı əhali kəndin yollarının asfaltlanmasını dəstəklədi.

Bu gün, 2025-ci il 10 fevral tarixində Kəndlərə Dəstək Proqramı çərçivəsində görüşlər başladı. Bu gün Sabirkənd, Algeti, Təzəkənd, Qasımlı, Ağməmmədli, Quşçu, Qaçağan, Təkəli və Xancığazlıda ümumi kənd yığıncaqları keçiriləcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---