Bir ay əvvəl Marneuli meriyası tərəfindən arxa bazara köçürülən küçə ticarətçiləri yenidən bazarın qarşısındakı, yol kənarındakı əraziyə qayıdıblar.

İyunun 9-da Marneuli meriyası küçə ticarətçilərini cərimələyərək ərazidən uzaqlaşdırsa da, bu gün, iyulun 8-də onlar adi əraziyə geri qayıdıblar.
Küçə ticarətçilərindən biri “Marneuli” radiosu ilə söhbəti zamanı bildirdi ki, demək olar, bütün küçə ticarətçiləri arxa bazar ərazisindən geri qayıdıblar, çünki orada müştəriləri yoxdur, çox miqdarda pul ödəməli olurlar.

"Orada ümumiyyətlə bazar yoxdur, ona görə gəldik. Cərimə olacaqsa olsun, nə edim? Oraya boş maşınla girsən, 5 lari ödəməlisən. Bir kilo xiyar 1 lari, çek 5 lari – belə olarmı? Yağış yağanda boğaza qədər palçıq olur, çəkməsiz girə bilmirsən". - Küçə ticarətçisi deyir.

Gizliliyi qorumaq şərti ilə qeydə aldığımız küçə ticarətçisinin dediyinə görə, indiki mərhələdə Marneuli meriyasının nümayəndələri onlara baş çəkməyib. O bildirir ki, özü də iyunun 9-da cərimələnib və indi 500 lari ödəməli olacaq.

Marneuli meriyası iyunun 9-da bazarın yaxınlığında 8 küçə ticarətçisinin hər birini 500 lari məbləğində cərimələyib. Bu gün, iyulun 8-də Marneuli meriyası tərəfindən hansı tədbirlər görüləcəyini öyrənməyə çalışırıq. Cavab alan kimi şəhər meriyasının şərhini sizə təqdim edəcəyik.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---