Marneuli yerli özünüidarəsi 8 kənddə küçə işıqlandırmasının quraşdırılması məqsədilə “Geo Light” MMC ilə sadələşdirilmiş qaydada 6 müqavilə bağlayıb. Marneuli meriyası bu xidmətə görə şirkətə ümumilikdə 310 077 lari 76 tetri ödəyəcək.

Kəndlərə Dəstək Proqramı çərçivəsində həyata keçirilən bu layihə kəndlərdə küçə işıqlandırmasının təmin olunmasını nəzərdə tutur.

Aşağıda küçə işıqlandırmasının quraşdırılması planlaşdırılan kəndlərin siyahısı və sərf olunacaq vəsaitin miqdarı təqdim olunur:

• Beytarabçı və Tserakvi kəndlərində küçə işıqlandırmasının quraşdırılması – 45 407 lari 81 tetri;
• İmirçala və Aşağı Saral kəndlərində küçə işıqlandırmasının quraşdırılması – 42 825 lari 03 tetri;
• Şaumyani kəndində küçə işıqlandırmasının quraşdırılması – 44 533 lari 24 tetri;
• Algeti kəndində küçə işıqlandırmasının quraşdırılması – 59 009 lari 48 tetri;
• Ağməmmədli kəndində küçə işıqlandırmasının quraşdırılması – 59 286 lari 60 tetri;
• Sadaxlı kəndində küçə işıqlandırmasının quraşdırılması – 59 015 lari 60 tetri.

Marneuli meriyası, həmçinin, kəndlərdə küçə işıqlandırmasının həyata keçirilməsi üçün “Muri” MMC ilə də 8 müqavilə imzalayıb. Bu işlərə görə şirkətə 303 843 lari 06 tetri ödənilib.

“Kəndlərə Dəstək Proqramı” çərçivəsində Marneuli üzrə kənd yığıncaqları 10 fevralda başlayıb və 21 fevrala qədər davam edib. Marneuli kəndləri üçün mərkəzi büdcədən 1 232 000 lari, yerli özünüidarəetmənin 2025-ci il büdcəsindən isə 1 500 000 lari ayrılıb.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---