Marneuli meriyası İmir kəndindəki “Kəsik Təpə” yaxınlığında divar tikməyi planlaşdırır. Meriyanın elan etdiyi tenderə əsasən, Şulaveri çayı arxeoloji kompleksin yaxınlığından axır, çay divarı yuyub aparıb və bu da “Kəsik Təpə” üçün təhlükə yaradır.

“Mövcud divar Marneuli Bələdiyyəsini İmir kəndində "Kəsik Təpə" arxeoloji kompleksinin yaxınlığında yerləşir. Həmin ərazinin yanından Şulaveri çayı axır ki, bu da mövcud divarı

yuyub aparıb, nəticədə həm arxeoloji qazıntı sahəsi, həm də örtülü metal konstruksiya binası təhlükə altına düşüb.

Bütün bunlardan irəli gələrək, mövcud divarın sökülməsi və uzunluğu 144 m olan yeni dəmir-beton divarının quraşdırılması zərurəti yaranıb”, - smeta sənədlərində qeyd olunur.

Marneuli meriyası 657 502 lariyə İmirdəki “Kəsik Təpə” arxeoloji abidəsinə divar çəkməyi nəzərdə tutur.

Tenderdə iştirak etmək istəyən şirkətlər avqustun 7-dən 12-dək tender təkliflərini təqdim edə biləcəklər. Qalib şirkət müqavilə imzalandıqdan sonra 120 gün ərzində işləri başa çatdırmalıdır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---