Dmanisi meri Koba Muradaşvili sosial şəbəkə üzərindən Dmanisi və Tbilisi arasında hərəkət edən yaşıl avtobuslarla bağlı məlumat paylaşıb. Onun sözlərinə görə, bu xidmət artıq 15 aydır ki, fəaliyyət göstərir və vətəndaşları rahat nəqliyyatla təmin etməyə xidmət edir.

Avtobusdan istifadə üçün TBC-nin sərnişin kartına sahib olmaq vacibdir. Kart olmadan avtobus xidmətindən yararlanmaq mümkün deyil. Tələbələr üçün isə səyahət yalnız TBC-nin tələbə kartı ilə ödənişsizdir. Muradaşvilinin sözlərinə görə, avtobuslar müasir və komfortlu şəkildə təchiz olunub və sərnişinlərin ehtiyaclarına uyğunlaşdırılıb.

Hərəkət qrafiki:

Dmanisi → Tbilisi – 07:30 (Ortaçala avtovağzalı)

Tbilisi → Dmanisi – 17:30 (Ortaçala avtovağzalı)

Qomareti → Tbilisi – 08:30

Tbilisi → Qomareti – 16:00

Səyahətin qiyməti 5 lari təşkil edir.


Dmanisi bələdiyyəsində bələdiyyə nəqliyyatı

Dmanisi bələdiyyəsində yerli sakinlər üçün ödənişsiz daxili bələdiyyə nəqliyyat şəbəkəsi fəaliyyət göstərir. 2025-ci ilin 14 yanvar tarixindən etibarən bu xidmət yeni marşrutlarla daha da genişlənib.

Yeni istiqamətlər (hər çərşənbə günü):

10:00 – Lökcandar kəndi → Dmanisi şəhəri

16:00 – Dmanisi şəhəri → Lökcandar kəndi

10:00 – Qamışlı kəndi → Dmanisi şəhəri

16:00 – Dmanisi şəhəri → Qamışlı kəndi

10:00 – Gəyliyən kəndi → Boslebi kəndi → Dmanisi şəhəri

15:00 – Dmanisi şəhəri → Boslebi kəndi → Gəyliyən kəndi

Hər bazar ertəsi və cümə axşamı günləri:
Ödənişsiz bələdiyyə nəqliyyatı əlavə olaraq müəyyən istiqamətlərdə əhaliyə xidmət göstərəcək.

Vətəndaş cəmiyyəti təşəbbüsə dəstək verir
Bu təşəbbüsə Dmanisidə yaşayan rejissor və “Görüş Məkanı” təşkilatının təsisçisi Laşa Çxvimiani də münasibət bildirib. Onun sözlərinə görə, “Birləşmiş vətəndaş cəmiyyətinin gücü budur”.

Çxvimianinin sözlərinə əsasən, 2023-cü ildə 312 Dmanisi sakininin imzaladığı petisiya nəticəsində bələdiyyə nəqliyyatı proqramı işə düşdü və ona daha 5 kənd əlavə olundu. Hal-hazırda proqram Dmanisinin 29 kəndini əhatə edir ki, bu da yerli əhalinin hərəkət imkanlarını əlçatan edir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---