Marneuli Bələdiyyə Məclisi sədrinin iki müşaviri bundan sonra rəsmi şəkildə maaş almayacaq. “Dövlət xidməti haqqında” qanuna edilən dəyişikliyə əsasən, avqustun 1-dən müşavir vəzifəsi könüllü olacaq və onlar artıq maaş almayacaqlar.

Marneuli Bələdiyyə Məclisinin iyulun 25-də keçirilən iclasında qanunda dəyişikliklər müzakirə edilib. Bələdiyyə Məclisi Aparatının rəhbəri Nino Beridze bildirib ki, Bələdiyyə Məclisində işləyən məmurlar əlavə maaş almadan müşavir funksiyalarını yerinə yetirə biləcəklər.

“Dövlət xidməti haqqında” qanunda edilən dəyişikliyin maddələrindən biri, 83-cü maddənin üçüncü bəndi müşavirlərə aiddir. Yəni, bütün bələdiyyələrdə, ümumiyyətlə, dövlət qulluğunda müşavir statusu ləğv edilir və yalnız ödənişsiz, yəni müşavir digər işçilər arasından seçilir və ona görə də biz müşaviri müqavilə əsasında işə qəbul etmişdik, indi isə ləğv edirik”, – Nino Beridze bildirib.

Marneuli Bələdiyyə Məclisinin İctimaiyyətlə Əlaqələr Şöbəsindən “Marneuli” radiosuna verilən məlumata görə, Bələdiyyə Məclisinin sədri Amiran Qiorqadzenin iki müşaviri var. Bir müşavirin rəsmi maaşı 3650 laridir.

Qanunda edilən dəyişikliyə əsasən, Marneuli Bələdiyyə Məclisi avqust ayından başlayaraq hər ay maaşlarda 7300 lari qənaət edəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---