Bu gün, Marneuli bələdiyyəsi miqyasında 91 məntəqə səhər saat 07:00-dan açılıb.

Bütün məntəqələrdə səsvermə saat 08:00-dan başlayıb. Marneuli Dairə Seçki Komissiyasının sədri Ani İluridzenin “Marneuli” raidosuna verdiyi məlumata görə, bütün seçki məntəqələri vaxtında və sakit rejimdə açılıb.

“Səhər saat 7-də bütün məntəqələr açıldı. Müvafiq olaraq məntəqənin prosedurları keirmək üçün bir saat vaxtı var idi. Sakitlikdir, biz seçicilər barədə statsitikaları almağa başladıq. Saat 10-a olan göstəriciləri biləcəyik”.

Onun sözlərinə görə, Marneulidə, bir xüsusi məntəqə fəaliyyət göstərir və orada kovidə yoluxmuş, təcriddə olan adamlar səs verəcək. Siyahıda 49 nəfər var.

“Bu siyahıda olan bütün seçicilər Konstitusiya ilə verilmiş hüquqlarından istifadə edə və istədikləri namizədə səsə verə bilərlər.”

Bu gün, 2 oktyabr tarixində, Marneulidə yerli özünüidarə seçkiləri keçirilir. Marneuli meri vəzifəsi uğrunda üç namizəd – Gürcü Arzusundan Kənan Ömərov, Vahid Milli Hərəkatdan Eldar Mustafayev, Avropalı Gürcüstandan isə Əhməd İmamquliyev mübarizə aparır.