ATƏT Gürcüstandakı seçkilər barədə məlumat yayıb
Gürcüstanda yerli seçkilər cəmiyyətdəki siyasi böhran və qütbləşmə fonunda sakit keçib.

Bunu ATƏT-in Demokratik Təsisatlar və İnsan Haqları Bürosunun (DTİHB) müşahidə missiyasının rəhbəri Albert Conson bildirib.

"Seçkilər siyasi böhran və aydın qütbləşmə fonunda baş tutdu. Namizədlər ittihamlar və təhdidlər fonunda rəqabət mühitində iştirak edə bildilər", - Conson qeyd edib.

Onun sözlərinə görə, seçki məntəqələrində bəzi xoşagəlməz hallar olub.

Daha əvvəl Gürcüstan Daxili İşlər Nazirliyi seçki günü açılmış 16 cinayət işinin araşdırılması barədə məlumat yayıb.

Gürcüstan MSK-nın məlumatına görə, səslərin 99,92 %-i sayılıb, hakim "Gürcü Arzusu" partiyası yerli özünüidarə orqanlarına keçirilən seçkilərdə 46,5 %, keçmiş prezident Mixail Saakaşvilinin Vahid Milli Hərəkat Partiyası 30,7 % səs yığıb.

Mənbə: report.az
Print Email
FaceBook Twitter Google