"Ədəbiyyat və interpretasiya" Oqtay Kazımovun müəllif verlişi- Odisseya ikinci hissə
Ədəbiyyat və İnterpretasiya
verlişinin 7-ci buraxılışında Odisseya barəsində nəql və əsərin
özündən parçaların oxunması davam edir
.
Telemax bu dəfə Menelay və Yelenanın yanına gəlib onlarla söhbət
edir. Menelayla Yelena Troya müharibəsini hüzünlə xatırlayırlar və
Odisseyə görə qəmginliklərini bildirirlər. Sonra nəql Odisseyin
özünə qayıdır və artıq onun macəralarından xəbər verir.
Bütün macəraları içərisində ən maraqlısı təpəgöz Polifemlə
qarşılaşmasıdır. Ötən verilişdə Odisseyə Poseydonun məhz Polifemə
görə düşmən kəsildiyini və evə qayıtmasına mane olduğunu demişdik.
Səbəb Odissey tərəfindən adamyeyən təpəgöz Polifemin kor
edilməsidir. Belə bir məqama məhşur qədim dastanımız “Kitabi dədəm
Qorqud”-da da rast gəlirik.
“Basat Təpəgözü öldürdüyü boyu bəyan edər” fəslində də çobanla bir
pərinin əlaqəsindən doğan Təpəgöz hələ oğuzların içində böyüyür və
kaniballığa meyilli olduğu üçün onu qovurlar. O böyüyərək insan
yeməyə davam edir.
Nə qədər hücum edirlər bir kar hasil olmur, çünki onun bədəninə
qılınc ox təsir göstərmir. Onu yalnız şir südü əmmiş Basat adlı
igid yenə bilir. Ancaq Odisseyada olduğu kimi Basat da onu gücü ilə
deyil, ağlı ilə məğlub edə bilir.