Həddi-büluğa çatmamış şəxsin ədalət prosesində onların özünəməxsusluğunun müzakirəsi
Həddi-büluğa çatmamış şəxslərin
işi üzrə dövlət strukturları – Gürcüstan tərəfindən götürülmüş
beynəlxalq hüquq öhdəliklərinə əsasən həddi-büluğa çatmamış şəxsin
hüquqları istintaq mərhələsində,
eləcə də işin müzakirəsi dövründə
qorunmalıdır və qanuni, təsdiqlənmiş və hüquqi hökm çıxarılmalıdır.
Bu tələbələrə əsasən Gürcüstan qanunvericiliyi həddi-büluğa
çatmamış şəxslərin işinin fərqli aparılma qaydasını nəzərə alır və
həmin qaydalara görə vacib şərtlərdən biri işi aparılan
yeniyetmənin təbiətinə yaxşı bələd olmaq və iş aparılan zaman bunu
nəzərə almaqdır. Həddi-büluğa çatmamış şəxsin mühakimə prosesini
aparan şəxs/prosesdə iştirak edən şəxs hakim, müstənqtiq, prokuror,
polis, vəkil, sosial işçi, meditator, probasiya ofisseri,
həddi-büluğa çatmamış şəxslər üçün islahat müəssisəsinin heyəti,
müvafiq həbsxananın heyətidir ki, onlar həddi-büluğa çatmamış
şəxslərin mühakiməsi ilə bağlı xüsusi hazırlıq keçiblər. Məhkəmədə
qanunla münaqişədə olan yeniyetmənin işini həddi-büluğa çatmamış
şəxsin mühakiməsi sahəsində xüsusi hakim müzakirə edir. Qanunla
münqaişəsi olan yeniyetmə ilə ilk ünsiyyəti Daxili İşlər
Nazirliyinin nümayəndəsi yaxud müstəntiq qurur. Daxili İşlər
Nazirliyinin nümayəndəsi yaxud müstəntiqlə yeniyetmənin ilk
ünsiyyətində onun dövlət strukturlarına qarşı təsəvvürü yaranacaq.
Bu ünsiyyət sonradan onun yeniyetmə kimi hüquq orqanları ilə
əməkdaşlıq etmək istəyinə səbəb olacaq, eləcə də dövlət
strukturlarına qarşı etimad bəsləməsi məsələsini
formalaşdıracaq.
Həddi-büluğa çatmamış şəxsin dindirilməsi, nəzarət və müşahidəsi –
Həddi-büluğa çatmamış şəxsin polislə əlaqəsi həmin polisin uşaqla
ünsiyyəti ilə başlayır. “Polis haqqında” Gürcüstan qanununa və
həddi-büluğa çatmamış şəxslərin ədalət məcəlləsinə əsasən
dindirilmə könüllüdür və məsələ 14 yaşına qədər olan şəxslərlə
bağlıdırsa o, yalnız valideyn yaxud hüquqi nümayəndəsinin
qarşısında dindirilməlidir. 14 yaşdan yuxarı olan həddi-büluğa
çatmamış şəxsin vəziyyətində isə həddi-büluğa çatmamış şəxslərin
ədalət məcəlləsi dindirilmə prosesinə yuxarıda qeyd olunan
şəxslərin qoşulmasını nəzərdə tutur, ancaq qeyd olunan məsələ
həddi-büluğa çatmamış şəxslərə qeyri-formal “söhbət” mərhələsinə
aid deyil. Dindirilmə prosesində həddi-büluğa çatmamış şəxsin
hüququ var ki, vəkil xidmətindən istifadə etsin. Polis hər hansı
fəaliyyət həyata keçirən zaman onun uşaq olduğunu, onunla
ünsiyyətdə hər hansı çətinliklər yarada biləcək uşağın yaşını və
hər hansı xüsusi ehtiyacını nəzərə almalıdır. Bundan əlavə vacibdir
ki, dindirilmə müvafiq hazırlığı olan polis tərəfindən aparılsın.
Dindirilmə prosesində eləcə də həddi-büluğa çatmamış şəxslə söhbət
müddətinin müəyyən edilməsi də vacibdir. həddi-büluğa çatmamış
şəxslərin ədalət məcəlləsinə əsasən dindirilmə saat 22:00-dan
08:00-a qədər aparıla bilməz, ancaq sorğu/dindirilmə vaxtının
uzadılması ilə bağlı heç nə deyilmir və bu problemlidir. Qeyd etmək
lazımdır ki, dindirilmə ilə yanaşı polis öz işi çərçivəsində
həddi-büluğa çatmamış şəxsin kimliyini müəyyən etmək, nəzarət,
müşahidə aparmaq, hərəkət etməyə məhdudiyyət qoymaq və polisin
işini yerinə yetirməsi üçün vacib olan başqa tədbirlərlə bağlı
səlahiyyəti var. Kimliyin müəyyən edilməsi prosesində polis
həddi-büluğa çatmamış şəxsin barmaq və ovuc izlərini götürmək,
şəklini çəkmək, xarakterizə edən fiziki əlamətləri qeyd etmək,
boyunu ölçmək və.s kimi səlahiyyətə malikdir. Uşağa nəzarət
mərhələsində polisin səlahiyyəti çatır ki, onu dayandırsın və
geyiminin yalnız səthi hissəsindən, əli ilə yaxud xüsusi cihazla
yoxlamaq məqsədi ilə toxunsun. “Polis haqqında” qanun eləcə də
səthi baxış keçirən zaman əsas yarandığı halda polis tərəfindən
şəxsin üzərinə baxış həyata keçirməyi nəzərə alır. Şəxsin üzərinə
baxış keçirmə prosesində vacibdir ki, həddi-büluğa çatmamış şəxsin
ləyaqəti və şəxsi hüquqları qorunsun. Belə hallarda uşaqla eyni
cinsdən olan polis nümayəndəsi ünsiyyət qurmalıdır. Eləcə də uşağa
polis tərəfindən nəyin əsasında onun üzərinə baxış keçirilməsi ilə
bağlı məlumat verilməlidir.
İslahat və mediasiya - həddi-büluğa çatmamış şəxslərin ədalət
məcəlləsinin qüvvəyə minməsi nəticəsində islahat/islahat və
mediasiya proqramı 21 yaşa qədər olan şəxslər üçün bir şansdır ki,
müəyyən şərtləri yerinə yetirmək qarşılığında həyatına mühakimə,
cəza çəkmədən kənar şəkildə, qanuna tabe olaraq davam etsin və
uğurlu gələcəyə doğru addım atsın. İslahat və mediasiya cinayət işi
təqibinin alternativ mexanizmidir ki, bu haqda qərarı prokuror
verir. Belə ki, həddi-büluğa çatmamış şəxslərin ədalət məcəlləsinin
qüvvəyə minməsindən sonra hakimin səlahiyyəti çatır ki, öz
təşəbbüsü yaxud tərəflər arasında vəsatət nəticəsində, islahat
məqsədi ilə işi prokurora qaytarsın.
İslahat və mediasiya haqqında müqavilə sonrakı tədbirlərdən
ibarətdir: a) Həddi-büluğa çatmamış şəxsə yazılı xəbərdarlıq; b)
İslahat hüquqi tədbirləri, həmçinin, islahat-mediasiya proqramına
qoşulma; c) Dəyən zərərin tam yaxud bir hissəsinin ödənilməsi; ç)
Qeyri-qanuni əldə olunan əmlakın dövlətə verilməsi; d) Cinayət
silahının yaxud mülki dövriyyədən götürülmüş obyektin dövlətə
verilməsi; e) Həddi-büluğa çatmamış şəxsə öhdəlik qoyulması; ə)
Həddi-büluğa çatmamış şəxsin islahat üçün himayəyə verilməsi.
Həddi-büluğa çatmamış şəxslərin işinin aparılması sonrakı
məsələlərin xüsusi vacib olduğu baza elementləri ilə həyata
keçirilir: Həddi-büluğa çatmamış şəxslərin işi qapalı iclasda
aparılmalıdır. Əgər birgə işdirsə, həddi-büluğa çatmamış şəxslərin
işi birgə işdən çıxarılmalıdır – Əgər həddi-büluğa çatmamış şəxs
yetkinlik yaşına çatmış şəxsin də müzakirə olunduğu cinayəti
törətməkdə ittiham olunursa, həddi-büluğa çatmamış şəxsin işi
ayrılmalıdır və yetkinlik yaşına çatmış şəxsdən fərqli olaraq
müzakirə edilməlidir. Ancaq bu hal aparılan işə maneə törətməzsə,
tam və obyektiv araşdırmağa problem yaratmazsa o zaman həyata
keçirilə bilər.
Həddi-büluğa çatmamış müttəhimin məhkəmə iclas zalından çıxarılması
– Məhkəmə vəsatət yaxud öz təşəbbüsü ilə həddi-büluğa çatmamış
müttəhimin məhkəmə zalından çıxarılması haqqında hökm çıxara bilər
ki, onun özü iştirak etmədən sübutlar müzakirə edilsin. Çünki bu
hal ona pis təsir göstərə bilər, ancaq həddi-büluğa çatmamış şəxsin
məhkəmə zalına qaytarılmasından sonra məhkəmə lazımı həcm və
formada onu zalda olmadığı müddətdə aşkralanan sübutların məzmunu
ilə tanış etməlidir. həddi-büluğa çatmamış şəxsin məhkəmə iclasında
iştirak etmədiyi vaxtda onun vəkilinin ya qanuni nümayəndəsinin
iştirakı vacibdir.
Layihə Demokratiya Komissiyası Kiçik Qrantlar Proqramı
çərçivəsində ABŞ səfirliyi tərəfindən maliyyələşdirilir. Verilişdə
səsləndirilən fikirlər müəllifə aiddir və ABŞ Dövlət
Departamentinin mövqeyini əks etdirməyə bilər.