Polislə münasibət zamanı hüquqlarımız və öhdəliklərimiz
Gürcüstan polisi – ictimai
təhlükəsizlik və qanunu qorumaq üçün qarşısını alma və qanun
pozuntularına reaksiya göstərmə tədbirləri həyata keçirən hüquq
sistemidir.
Polis/polis əməkdaşı ictimaiyyətlə əlaqədə dövlət adından hərəkət
edir. Ona görə də bilməliyik ki, biz polis əməkdaşı ilə danışan
zaman dövlətlə danışırıq. Polisin iki əsas funksiyası var:
• İctimai asayişi təmin etmək;
• Qanun pozuntusunun qarşısını almaq.
Bu iki funksiyanı yerinə yetirən zaman polis qarşısını alma və
qayda pozuntusuna reaksiya göstərmə mexanizmlərinin qayğısına
qalır.
Preventiv funksiya – polisin ictimai təhlükəsizlik və asayişin
qorunması üçün apardığı tədbirləri, eləcə də qanun pozuntusunun
aradan qaldırılmasını nəzərdə tutur.
Qayda pozuntusuna/cinayətə reaksiya göstərmək funksiyası – bu artıq
baş vermiş qayda pozuntusuna polisin reaksiyasını nəzərdə tutur.
Qaydanı pozan şəxsin aşkarlanması və onun cəzalandırılması məqsədi
ilə reaksiya göstərmə mexanizmləri Cinayət və İnzibati Xətalar
Məcəlləsi çərçivəsində həyata keçirilir.
Polisin səlahiyyətlərini də bu iki kateqoriyaya əsasən qruplaşdıra
bilərik. Preventiv funksiya ilə bağlı olan səlahiyyətlər və qayda
pozuntusuna reaksiya göstərilməsi ilə bağlı olan səlahiyyətlər.
Qeyd olunan səlahiyyətlər “Polis Haqqında” Gürcüstan qanunu ilə
tənzimlənir.
Hər birimizin qarşılaşa biləcəyimiz konkret tədbirlərə isə bunlar
aiddir:
• Şəxsin dindirilməsi;
Kimliyini müəyyən etmək məqsədi ilə polisin hüquqi var ki, şəxsi
saxlasın və açıq şəkildə onun kimliyini soruşsun və şəxsiyyət
vəsiqəsini təqdim etməsini tələb etsin. Məlumat ötürmək üçün
polisin icazəsi var. Bu hərəkəti polis müəyyən əsas olan halda edə
bilər. Məsələn, əgər polis düşünürsə ki, şəxs qaydanı pozub və ya
pozacaq bu halda hərəkət edə bilər. 14 yaşa qədər yeniyetmənin
dindirilməsi yalnız valideyn, yaxud hüquqi nümayəndəsinin iştirakı
ilə yolveriləndir.
• Şəxsin kimliyinin müəyyənləşdirilməsi
Əgər dindirilmə nəticəsində müəyyən olunmursa, polisin şəxsiyyəti
müəyyən etmək üçün tədbirlərə başlamaq hüququ var. Tədbir başa
çatıqdan sonra protokolun müəyyənləşdirilməsi tədbiri ilə bağlı
yazılı sənədlər tərtib olunmalıdır. Bu bizim hüquqlarımızın bir növ
zəmanətidir. Hər hansı oxşar tədbirlərin və polis tərəfindən bizim
hüquqlarımızın məhdudlaşdırılmaması üçün bizim yazılı
sənəd/protokol tərtib edilməsini tələb etmək hüququmuz var. Belə
protokolun olması polisin bizimlə ünsiyyətdə olmasını və polislə
bizim aramızda olan ünsiyyətin mövzusunu təsdiq edir.
• Şəxsin çağırılması
Əgər polis hesab edərsə ki, şəxs vacib məlumata sahibdir, o, həmin
şəxsi polis bölməsinə çağırmaq hüququna malikdir. Bu halda polisə
getmək könüllüdür. Bilməliyik ki, həddi-buluğa çatmamış şəxsin
çağırılması valideyn, yaxud qanuni nümayəndəsi olmadan
yolverilməzdir. Çağırış halında polisdə qalma müddəti 4 saatdan,
həddi-buluğa çatmamış şəxslər üçün isə 2 saatdan artıq
olmamalıdır.
• Səthi yoxlama
Səthi yoxlama bizim üzərimizdən, geyimin üzərindən əl, xüsusi
qurğu, yaxud vasitə ilə yoxlanmamızı nəzərdə tutur. Əgər şəxsin
üzərində qadağan edilmiş əşyanın olması və ya başqasının həyatına,
yaxud sağlamlığına təhlükə yaradan qadağan olunmuş əşyanın olması
güman edilərsə, reyd zamanı hadisə yerində axtarılanlar,
qeyri-leqal, yaxud mümkün günahkar şəxslər ola bilərlər. Bunu
müvafiq cinsiyyətə aid polis həyata keçirir. Çıxış yolu olmayan
halda istisna hal yalnız xüsusi qurğu ilə mümkündür. Əşyanın və ya
nəqliyyat vasitəsinin səthi yoxlanılması üçün yalnız vizual
müşahidə yolveriləndir. Saxlama müddəti 30 dəqiqədən artıq
olmamalıdır.
Polisin cinayətə reaksiya göstərməsinin vacib mexanizmlərindən biri
istintaqdır
Bilməyimiz vacibdir ki, istintaq zamanı polis müstəntiqinə ifadə
vermək könüllüdür. Ancaq könüllü dindirilmədən imtina etmə halında
ifadə vermək məhkəmə yolu ilə təyin oluna bilər. Bu zaman hakimin
dindirməsinə getmək məcburi xarakter daşıyır.
Prevensiya və qayda pozuntusuna reaksiya göstərilməsi zamanı
polisə, xüsusən ictimaiyyətlə əlaqə zamanı etik öhdəliklər
qoyulur.
Bu həmçinin iş saatlarından kənar ictimaiyyətə yardım
göstərməkdir:
- Polis ictimaiyyətin fərqli ənənələrini, adətlərini və yaşam
tərzini nəzərə almalıdır.
- Polis vəzifəsinə və statusuna baxmayaraq ictimaiyyət üzvləri ilə
əlaqədə taktikalı, təvazökar və xoş rəftarlı olmalıdır.
- Vətəndaşa qarşı qoyulan tələblər və qeydlər sakit və əxlaqlı,
inandırıcı formada deyilməlidir.
- Polis vətəndaşa öz fikrini deməyə imkan verməlidir.
- Polis tərəfindən özündən razı yanaşma, hədələmə və ya kinayə,
jarqonlardan istifadə etmək yolverilməzdir.
Polisin qanuni tələbinə tabe olmamaq və ya müqavimət göstərmək,
hədələmə və ya ona qarşı zorakılıq İnzibati, yaxud Cinayət
Məcəlləsi ilə cəzalandırılır. İnzibati qayda pozuntusu halında
qanunvericilik 1000-4000 lariyə qədər cərimə, yaxud 15 günə qədər
inzibati həbs nəzərdə tutur. Cinayət Məcəlləsi ilə 2-5 ilə qədər
azadlıqdan məhrumetmə ilə cəza verilə bilər.
Layihə Demokratiya Komissiyası Kiçik Qrantlar Proqramı
çərçivəsində ABŞ səfirliyi tərəfindən maliyyələşdirilir. Verilişdə
səsləndirilən fikirlər müəllifə aiddir və ABŞ Dövlət
Departamentinin mövqeyini əks etdirməyə
bilər.