Iqtisadi və sosial ehtiyaclar üçün dövlət yardımı

00:00 / 04.05.2020

Gürcüstan hökuməti böhrana qarşı plan təqdim etdi. Planın məqsədi xarici donorlar və tərəfdaşlardan qəbul edilmiş 3,5 milyard larinin iqtisadi və sosial ehtiyaclar üçün bölünməsidir. İqtisadiyyata və istehsalçılığa dəstək olmaq üçün 2 milyard 110 milyon larinin ayrılacağı ilə bağlı anons verilmişdi. Həmin məbləğ fəaliyyətdə olan özəl sektora dəstək, kənd təsərrüfatının effektivliyinin artırılmasına və yerli istehsalçılığa həvəsləndirməyə sərf olunacaqdı.

Böhrana

qarşı plana əsasən əhalinin sosial ehtiyaclarına 1 milyard 35 milyon lari xərclənəcək. Planın sosial hissəsi koronavirus böhranı şəraitində zərərçəkmiş adamları və ev təsərrüfatlarını əhatə edir hansı ki:

İşə götürülüblər və böhran dövründə işini itirib yaxud maaşsız məzuniyyətdədirlər.

Koronavirus pandemiyası nəticəsində çox sayda qurumlar əməkdaşının sayını azaltmaq yaxud əməkdaşları maaşsız məzuniyyətə göndərmək məcburiyyətində qaldı. Qeyd olunan şəxslərə yardım üçün 1200 larilik kompensasiya təyin olunub və növbəti 6 ay ərzində, hər ay 200 lari dəyərində veriləcək. 2020-ci ilin ilk üç ayında (yanvar, fevral,mart) bir dəfə də olsun maaş almış və bu haqda onu işə götürən şəxs tərəfindən Gəlirlər Xidmətinə vergi bəyannaməsi ilə yanaşı həmin şəxsə maaş verilməsi barədə məlumat təqdim olunan şəxslər kompensasiya ala biləcək. İşə götürülən şəxsə kompensasiya qurum tərəfindən Gəlirlər Xidmətinə verilmiş məlumata əsasən verilir.

Qeyri-formal sektorda işlə təmin olunmuş yaxud özünüməşğul ya gəliri dayandırılmış şəxslər olmalıdır.

İşə götürülməkdən başqa hər hansı iqtisadi fəaliyyəti olan və gəlir əldə edən şəxs özünüməşğul hesab olunur. Özünüməşğul şəxs üçün kompensasiya qədəri 300 lari nəzərdə tutulub. Kompensasiyanı almaq üçün həmin şəxsin 2020-ci ilin birinci rübündə iqtisadi işlə məşğul olması yaxud gəlirinin olduğu təsdiqlənməlidir.

Qeydiyyatdan keçməmiş özünüməşğullar kateqoriyasına kim düşə bilər və hansı sənəd təqdim etməlidir?

Bazar piştaxtasında ticarətlə məşğul olan, istehsalçı kimi qeydiyyatdan keçməmiş və bazar təşkilatçısının haqqında Gəlirlər Xidmətinə məlumat vermədiyi şəxs itisadi fəalliyət/gəlir yerini təsdiq etmək üçün bazaar təşkilatçısı tərəfindən verilmiş arayış təqdim etməlidir. Arayış həmin şəxsin 2020-ci ilin birinci rübündə bazar ərazisində ticarətlə məşğul olduğunu və müvafiq icarə haqqı ödədiyini təsdiq etməlidir.

Sərnişinləri bir məntəqədən digərinə daşıyan ancaq hər hansı şirkətlə müqaviləsi olmayan şəxslər də özünüməşğul hesab edilir. Həmçinin, mənzillərin elektron icarəyə verilməsi portal vasitəsilə yaşayış sahəsini icarəyə verən, suvenir hazırlayan və mağazalara, kənd təsərrüfatı məhsullarını çörəkxana/restranlara təhvil verən, dayə, usta, xadimə yaxud başqa bu kimi işlərlər məşğul olan şəxslər də özünüməşğul hesab olunur.

Bundan əlavə Marneuli meri Zaur Darğallı 30 mart tarixində əhaliyə verilən birdəfəlik yardım haqda “Marneuli” radiosuna danışdı.

“Biz tək yaşayan qocalara, yaranmış vəziyyətə görə evdən çıxmaq imkanı olmayanlara, sosial müdafiəsiz status ləğv olunan və çətin vəziyyətə düşən vətəndaşlara, yaranmış vəziyyətdən irəli gələrək işini və ən az gündəlik gəlirini itirən adamlara, məcburi karantində və ya özünü təcriddə olan şəxslərə yardım edirik və bu günə qədər 1 345 ailə bu yardımı alıb”, - Marneuli bələdiyyəsinin meri bildirdi.

“Biz tək yaşayan qocalara, yaranmış vəziyyətə görə evdən çıxmaq imkanı olmayanlara, sosial müdafiəsiz status ləğv olunan və çətin vəziyyətə düşən vətəndaşlara, yaranmış vəziyyətdən irəli gələrək işini və ən az gündəlik gəlirini itirən adamlara, məcburi karantində və ya özünü təcriddə olan şəxslərə yardım edirik və bu günə qədər 1 345 ailə bu yardımı alıb”, - Marneuli bələdiyyəsinin meri bildirdi.

Layihə Demokratiya Komissiyasının kiçik qrantlar proqramı çərçivəsində, ABŞ səfirliyi tərəfindən maliyyələşdirilib. Nəşriyyatda qeyd olunan fikirlər müəllifə məxsusdur və ABŞ Dövlət Departamentinin fikrini əks etdirməyə bilər.

"Marneuli" Radiosu

BY AUTHOR

ვლადიმერ ჩხიტუნიძე