Gürcüstan Prokurorluğu “qanuni oğruluq”, “oğru aləmi” üzvlüyü, “oğru aləmi” fəaliyyətinin dəstəklənməsi və “qanuni oğruya” müraciət faktları üzrə 43 nəfərə ittiham irəli sürüb.

Daxili İşlər Nazirliyində aparılan istintaq zamanı müəyyən edilib ki, “oğru aləmi” üzvləri, dəstəkçilərlə birlikdə, həm xaricdə olan “qanuni oğruların” göstərişi ilə, həm də müstəqil şəkildə, tərəflərin müraciətinə əsasən sistemli şəkildə “oğru qarşıdurmaları” təşkil edib, tərəflər arasındakı maliyyə mübahisələrini həll ediblər və vətəndaşlardan pul tələb ediblər.

İstintaq zamanı həmçinin məlum olub ki, “qanuni oğru” “oğru aləmi” üzvlərinə göstəriş verib ki, dəstəkçiləri vasitəsilə bir həbsxanada saxlanılan şəxsə qarşı “oğru qərarı” icra etsinlər, yəni ona qarşı cəzalandırıcı tədbirlər görülsün.

Daxili İşlər Nazirliyində aparılan istintaq zamanı müəyyən edilib ki, xüsusi əməliyyat zamanı polisə atəş açan və öldürülən “oğru aləmi” dəstəkçisi Mirzə Əliyev, “oğru aləmində” ödəniləcək borcun azaldılması məqsədilə “oğru aləmi” üzvlərinə və kriminal avtoritetlərə müraciət edib. Müzakirələr və qarşıdurmalar “oğru aləmi” üzvlərinin iştirakı ilə keçirilib. Həmin dövrdə Mirzə Əliyev həbsxanada saxlanılan bir kriminal avtoritetə maliyyə dəstəyi göstərib. Oğru qarşıdurması yolu ilə əldə edilən razılaşmaya əsasən, Mirzə Əliyev “oğru aləmi” üzvlərinə cəmi 6 000 ABŞ dolları verib.

İttiham olunanlardan 34 nəfər polis əməliyyatları nəticəsində həbs edilib, 6 nəfərə ittiham çatdırılmayıb, 3 nəfərə isə həbsxanada ittiham təqdim olunub.

Bütün ittiham olunanlara qarşı oğru aləmi üzvlüyü, “qanuni oğurluq”, “oğru aləmi” fəaliyyətinin dəstəklənməsi, “qanuni oğruya” və “oğru aləmi” üzvünə müraciət, həmçinin qanunsuz silah əldə etmə və saxlama faktları üzrə ittiham irəli sürülüb. Bu maddələr 15 ilə qədər azadlıqdan məhrumetmə cəzasını nəzərdə tutur.

Prokuraturanın təqdimatı əsasında bəzi ittiham olunanlara həbs-qətimkan tədbiri kimi həbs, bir nəfərə isə, istintaqla əməkdaşlıq etdiyi üçün, 3 000 lari məbləğində girov təyin edilib. Digər ittiham olunanların həbs-qətimkan tədbiri məsələsinə məhkəmə qanunvericilikdə müəyyən edilmiş müddətdə baxacaq.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.