Həbsdə olan sabiq prezident Mixeil Saakaşvili prokurorluğun ona və daha 7 müxalifətçiyə qarşı irəli sürdüyü yeni ittihama — “sabotaj”, “düşmən dövlətə kömək” və

“hakimiyyətin devrilməsinə çağırış” — münasibət bildirib və Bidzina İvanişvili ilə bağlı bəyanat yayıb.

6 noyabrda yayımladığı yazıda Saakaşvili məktubunu “İvanişvilinin köpəkbalığına” ünvanlayıb — o, 2014-cü ildə demişdi ki, İvanişvilinin Tbilisidəki “Sololaki” biznes mərkəzində 1,5 metrlik ekzotik köpəkbalıqları var.

“Hörmətli Sololaki köpəkbalığı, yəqin ki, sənin şikayətin əsasında sənin sahibi mənim faktiki olaraq ömürlük həbsimə daha üç il əlavə edir. Mən isə səni həmişə əsl köpəkbalığı kimi bilirdim və başa düşə bilmirəm, niyə səninlə selfi çəkmək təklifim səni bu qədər qıcıqlandırdı,” –Saakaşvili yazıb.

“Əslində, mən sadəcə sənin populyarlığını artırmaq istəmişdim. Amma incimirəm, çünki bilirəm ki, sən də mənim kimi azadlıqdan məhrumsan. Ona görə sənə söz verirəm: ölkəni azad edəndə səni də o akvariumdan çıxarıb Atlantik okeanına qaytaracağam. Bir az da döz, mənim köpəkbalığım. Bizim selfi vaxtımız çox yaxında gələcək. Sənin Mişan.”

Saakaşvilinin “sabotaj” ittihamına Vahid Milli Hərəkatın üzvü Qiorqi Çaladze də münasibət bildirib və bu işi “Köpəkbalığı işi” adlandırıb.

Oktyabrın 24-də Saakaşvili klinikada “4 oktyabr sülh yolu ilə devrilmə işi” çərçivəsində dindirilib. Saakaşvili ittihamları rədd edib. Çaladzenin sözlərinə görə:

“İstintaqın əsas sualları Saakaşvilinin Bidzina İvanişvilinin köpəkbalığı ilə selfi çəkməyə çağırışı ilə bağlı paylaşımları idi. Bu, zarafat deyil — bu, prokurorluğun Saakaşviliyə qarşı yeni işidir.”

Saakaşviliyə görə, bu gün ona artıq rəsmi ittiham irəli sürülüb. O deyib:

“Mən yalnız köpəkbalığı işi üzrə ittihamı etirazla qarşılayıram. Qərb sanksiyaları barədə deyil, çünki mən Qərbdəki dostlarıma sanksiyalar tətbiq etməyə çağırırdım və yenə də çağıracağam.”

Prokurorluq Saakaşvili ilə yanaşı daha 7 siyasətçini “sabotaj”, “düşmən dövlətə kömək” və “hakimiyyətin devrilməsinə çağırış” ittihamı ilə suçlayıb. Onlardan 5 nəfəri hazırda həbsdədir.

İttihamlar belədir:
• Mixeil Saakaşvili – hakimiyyətin devrilməsinə çağırış (maddə 317, 3 ilə qədər həbs);
• Zurab Caparidze və Qiorqi Vaşadze – sabotaj (maddə 318, 2–4 il) və düşmən dövlətə kömək (maddə 319, 7–15 il);
• Elene Xoştaria – sabotaj (318), düşmən dövlətə kömək (319) və konstitusiya quruluşuna qarşı fəaliyyətin maliyyələşdirilməsi (321 prima, 6–10 il);
• Nika Qvaramia, Nika Melia, Mamuka Xazaradze və Badri Caparidze – sabotaj (318, 2–4 il).

Prokurorluq “Lelo” liderləri üçün zəmanət (qirov) tələb edir. Digər müxaliflər artıq həbsdədir, buna görə onlar üçün əlavə tədbir vacib hesab edilmir.
Saakaşvili hazırda “VivaMedi” klinikasında saxlanılır və mövcud hökmlərə əsasən 2034-cü ilin 1 aprel tarixinədək həbsdə qalmalıdır. O, 2021-ci il oktyabrın 1-dən azadlıqdan məhrum edilib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.