Gürcüstan Hökumət Administrasiyası tezliklə səlahiyyətli qurumlardan vergi sirrini və şəxsi, o cümlədən xüsusi kateqoriyalı məlumatları əldə etmək imkanına sahib olacaq.
Qanun layihəsi parlamentdə sürətləndirilmiş qaydada müzakirə olunur.

Müvafiq qanun dəyişiklikləri artıq parlamentə təqdim edilib. Dəyişikliklər “Gürcüstan Hökumətinin strukturu, səlahiyyətləri və fəaliyyəti haqqında” qanuna, “Şəxsi məlumatların qorunması haqqında” qanuna və Vergi Məcəlləsinə aiddir. Qanunvericilik paketi “Gürcü Arzusu” hökumətinin administrasiyası tərəfindən hazırlanıb.

Hökumət Administrasiyası vurğulayır ki, bu dəyişikliklər Effektivlik Departamentinin tam fəaliyyət göstərməsini təmin edəcək. Hazırda departamentin məlumat toplamaq səlahiyyəti yoxdur, bu isə risklərin müəyyənləşdirilməsini və qiymətləndirilməsini, məlumatların toplanmasını, monitorinq və nəzarəti, uyğunluq, səmərəlilik, məhsuldarlıq və şəffaflığın qiymətləndirilməsini, eləcə də tövsiyələrin hazırlanmasını çətinləşdirir.

İzahnamədə deyilir:

“Risklərin müəyyənləşdirilməsi və qiymətləndirilməsi yalnız səthi və ya açıq məlumatlarla mümkün deyil. Məlumat toplama səlahiyyətinin verilməsi analizlərin keyfiyyətini artıracaq və departamentə sübuta əsaslanan tövsiyələr və hesabatlar hazırlamaq imkanı verəcək.”

Vergi Məcəlləsində dəyişikliklərin zərurəti isə belə izah olunur:

“Gürcüstan Vergi Məcəlləsində vergi sirri ilə bağlı, ayrı-ayrı vergi ödəyiciləri haqqında identifikasiya olunmuş məlumatların kimlərə verilə biləcəyi dəqiq göstərilib. Buna görə məqsədəuyğun sayılır ki, həmin siyahıya Gürcüstan Hökumət Administrasiyası da əlavə olunsun — bu, ‘Gürcüstan Hökumətinin strukturu, səlahiyyətləri və fəaliyyəti haqqında’ qanuna və onun əsasında qəbul edilmiş normativ aktlara uyğun olaraq səlahiyyətlərin icrası məqsədilə həyata keçiriləcək.”

Mənbə: BM

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.