Maliyyə naziri Laşa Xutsişvili parlamentdə əmlak vergisinin həddinin artırılması ilə bağlı suala cavab verərkən bildirib ki, bu məsələ üzrə daha genişmiqyaslı islahat planlaşdırılır, lakin regionlar arasında mövcud balanssızlıqlar səbəbindən onun tammiqyaslı tətbiqi hələ mümkün deyil.

Nazirin sözlərinə görə, Maliyyə Nazirliyi əmlak vergisi ilə bağlı islahata hazırlaşır, lakin bu, təkcə fiziki şəxslərin əmlak vergisini deyil, daha geniş sahəni əhatə edir:

“Biliriniz ki, Maliyyə Nazirliyi əmlak vergisi ilə bağlı islahat üzərində işləyir. Bu islahat yalnız fiziki şəxslərin əmlak vergisini deyil, daha geniş miqyası əhatə edir. Biz tənzimləmənin təsirinə dair sənəd hazırladıq, müvafiq analiz apardıq və bu, təbii olaraq çox vaxt tələb etdi. Əmlak vergisi tamamilə yerli vergi olduğundan, onun qiymətləndirilməsi hər bir bələdiyyənin kəsimində ayrıca aparılmalı idi.

Hazırkı araşdırmalar göstərdi ki, qarşıdakı bir neçə ildə bəzi bələdiyyələrdə bu islahatın doğurduğu balanssızlığı aradan qaldırmaq mümkün deyil. Buna görə də düşünürük ki, hələlik müəyyən müddət ərzində vergi həddi barədə müzakirə aparmaq olar, ta ki, daha geniş və dərinmiqyaslı islahat həyata keçirilənə və regionlar üzrə balanssızlıqlar aradan qaldırılana kimi,” – deyə Laşa Xutsişvili bildirib.

Qeyd edək ki, rəsmi məlumata əsasən, əmlak vergisi şəxsin və ya onun ailəsinin illik gəliri 40 000 lari həddini aşdıqda tətbiq olunur. Gəlirlər Xidmətinin açıqlamasına görə, ümumilikdə əmlak vergisinin ödənişi üçün son tarix cari ilin 15 noyabrıdır, deklarasiyanın təqdim edilmə müddəti isə 1 noyabradək müəyyən edilib. Lakin bu il həmin tarixlər şənbə gününə düşdüyündən, müddət növbəti iş gününə - 3 noyabra kimi uzadılıb və vergi 17 noyabra qədər ödənilə bilər.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.