Gürcüstan İnfrastruktur Nazirliyinin Avtomobil Yolları Departamenti Tbilisi dairəvi yolunun ikinci (Tsitsamuri–Avçala) və üçüncü (Avçala–Hava Limanı) hissələrinin tikinti işlərinə nəzarət üçün beynəlxalq tender elan edib. Bu barədə məlumatı nazirlik yayır.

Tenderə dair məlumatda bildirilir ki, Tsitsamuri–Avçala hissəsinin uzunluğu 6,5 kilometrdir. Buraya dörd zolaqlı yol, 3,5 km-lik tunel, körpülər, yol qovşaqları və digər infrastruktur obyektləri daxildir. Bu hissədə nəzarət xidmətlərinin təxmini dəyəri 11 537 526 ABŞ dolları təşkil edir.

Bildirilib ki, yol dörd zolaqlı olacaq və ümumi uzunluğu 22,5 km-dir. Avçala–Hava Limanı hissəsində isə 4 yol qovşağı, 16 körpü və 4 paralel tunel tikiləcək. Bu hissəyə nəzarət xidmətlərinin təxmini dəyəri 15 586 956 ABŞ dollarıdır.

Nazirliyin məlumatına görə, nəzarət xidmətlərinin satın alınması Asiya İnkişaf Bankının (ADB) satınalma prosedurlarına uyğun həyata keçiriləcək. Nəzarət xidmətləri hər iki lot üzrə dövlət büdcəsi hesabına maliyyələşdiriləcək və xidmət müddəti 40 ay olacaq.

Avçala–Hava Limanı hissəsi Avçalada (mövcud Avçala dəmir yolu körpüsündən öncə) başlayır, cənub-şərq istiqamətində “Tbilisi dairəvi yolunun köhnə, yarımçıq qalan dəmir yolu xətti” boyunca uzanır və Böyük Lilo girişində, yarımçıq dəmir yolu dairəvi yol xəttinin kəsişməsində – Lilo bazarına qədər bitir.

Ümumilikdə Tbilisi dairəvi yolunun (Natakhtari–Rustavi yolu) layihəsinin uzunluğu təxminən 51 kilometrdir. Layihə dörd lota bölünüb və müxtəlif əraziləri əhatə edir:

• Natakhtari (Tsitsamuri)–Avçala (Lot 2): uzunluğu 6,5 km, dörd zolaqlı qarşılıqlı yol, iki yol qovşağı və 3,4 km-lik qarşılıqlı tunel tikiləcək. Tikintinin dəyəri təxminən 150 milyon dollardır.
• Avçala–Hava Limanı (Lot 3): uzunluğu 22,5 km, layihəyə 16 körpü (əsas və yan yollar, piyada keçidləri və yol qovşaqları daxil olmaqla), 4 yol qovşağı, 4 yeni tunel və 4 mövcud tunelin adaptasiyası daxildir. Tikintinin təxmini dəyəri 300 milyon dollardır.
• Hava Limanı–Loçini (Lot 4): uzunluğu 10,9 km, layihəyə 3 yol qovşağı, 16 körpü və 2 piyada körpüsünün tikintisi daxildir. Körpülərdən biri birbaşa Loçini çayını keçəcək. Tikintinin dəyəri 100 milyon dollardır.
• Loçini–Rustavi (Lot 5): uzunluğu 11 km, layihəyə 2 yol qovşağı, 9 körpü keçidi (əsas və yan yollarda) daxildir. Tikintinin dəyəri 70 milyon dollardır.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.