“Gürcü Arzusu”nun Baş naziri İrakli Kobaxidze Seçki Məcəlləsində planlaşdırılan dəyişiklikləri qiymətləndirir. Dəyişikliyə əsasən, xaricdə yaşayan vətəndaşlar

artıq seçkilərdə səslərini xaricdə verə bilməyəcəklər.

Kobaxidzenin sözlərinə görə, “seçkilər ölkəmizin yurisdiksiyasının tam təsiri olan yerdə keçirilməlidir”. Onun fikrincə, hansı ölkədə yaşamağından asılı olmayaraq, insan həmin dövlətin yurisdiksiyasının təsiri altındadır və bu, müxtəlif formalarda çox konkret şəkildə özünü göstərə bilər. O, bunu Acarıstanın İctimai Yayımçısının efirində “Azad Məkan” verilişində deyib.

“Ümumilikdə, xaricdə qeydə alınan nəticələr seçkilərin yekunlarına heç bir əhəmiyyətli təsir göstərməyib. Real olaraq heç bir ciddi nəticə olmayıb, buna görə də əsas məsələ bu deyil. Bu dəyişikliyin səbəbinə gəlincə, mühüm əsaslardan biri odur ki, biz suverenliyimizi və müstəqilliyimizi tam şəkildə möhkəmləndirməliyik. Burada bir məqamı vurğulamaq lazımdır: başqa ölkədə yaşayan hər bir insan həmin ölkənin xarici yurisdiksiyasının təsiri altındadır — fərqi yoxdur, bu Rusiya, ABŞ, Avstraliya və ya Lixtenşteyn olsun.
Hansı ölkədə yaşamağından asılı olmayaraq, insan müəyyən dövlətin yurisdiksiyasının təsirinə məruz qalır və bu təsir müxtəlif formalarda özünü göstərə bilər. Biz bunun nəticələrini müxtəlif istiqamətlərdə görürük. O cümlədən görürük ki, müxtəlif ölkələr birbaşa olaraq bizim seçkilərə müdaxilə etməyə çalışırlar. Belə şəraitdə həmin ölkələrdə yaşayan insanlar bu cür təsirlərə daha çox məruz qalırlar. Buna görə də ümumi yanaşma belə olmalıdır: harada ölkəmizin yurisdiksiyasının tam təsiri var, seçkilər də məhz orada keçirilməlidir”, – deyə Kobaxidze bildirib.

Onun sözlərinə görə, ikinci, daha mühüm arqument “məlumatlı seçimlə” bağlıdır.

“Hər bir seçici məlumatlı seçim etməlidir. Bunun mənası nədir? Sən ölkədə baş verənlərlə bağlı tam informasiyaya malik olmalı və buna əsaslanaraq müəyyən seçki subyektinə üstünlük verməlisən.
Hər bir insan məlumatı müxtəlif formalarda alır. Məlumatın əldə edilməsinin vasitələrindən biri KİV-lərdir — media, o cümlədən sosial media. Burada da insan filtrdən keçmiş məlumat alır. Hər bir informasiya müəyyən emal və interpretasiyadan keçir. Media tam vicdanlı ola bilər, amma onun vasitəsilə alınan məlumat belə interpretasiya olunmuş və filtrdən keçmiş olur. Üstəlik, ölkəmizdə müxtəlif redaksiya siyasətinə malik çoxsaylı media qurumları var. Sosial mediada isə informasiya min cür filtrdən keçir.
Hətta insan ailə üzvlərindən belə informasiya aldıqda, o da filtrdən keçmiş olur. Məlumatın ən təmiz mənbəyi insanın yaşadığı mühitdir.
Əlbəttə, hər kəs seçki hüququnu qoruyur, lakin vacib olan nədir? Heç olmasa bir günlüyə ölkəyə qayıt, öz gözlərinlə buradakı mühiti gör və bundan sonra daha məlumatlı seçim et”, – deyə Kobaxidze bildirib.

“Gürcü Arzusu” Seçki Məcəlləsində dəyişiklikləri elan edir ki, bu da xaricdə yaşayan vətəndaşların artıq xaricdə səs verə bilməyəcəyini nəzərdə tutur.
Partiyanın parlament sədri Şalva Papuaşvilinin fikrincə, dünyada seçkilər xarici müdaxiləyə qarşı daha həssas olur və 2024-cü ilin parlament seçkiləri “xaricdən seçiciyə informasiya və siyasi təzyiqin nə qədər açıq və sərt ola biləcəyini yaxşı göstərdi”.

Papuaşviliyə görə, bu baxımdan xüsusi risklər qeyri-rezident vətəndaşlarla, yəni başqa ölkələrdə yaşayan Gürcüstan vətəndaşları ilə bağlıdır; “onlar yad yurisdiksiya və siyasi mühitin təsiri altındadırlar” və dövlət bu müdaxilələrin qarşısını ala bilmir.

“Gürcü Arzusunun” mövqeyinə görə, “səsvermənin yalnız Gürcüstan ərazisində keçirilməsi seçkilərin dayanıqlığını artırır, xarici oyunçuların təsirini azaldır və daha adekvat, məlumatlı seçimi təmin edir”.

“Xaricdə yaşayan vətəndaşların seçki hüququnda heç nə dəyişmir — Gürcüstanın bütün vətəndaşları əvvəlki kimi seçkilərdə səsvermə hüququna malik olacaqlar. Yeganə şərt — dörd ildən bir vətənə gəlmək və səsi burada, Gürcüstanda verməkdir”, – deyə Papuaşvili bildirib.

 

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---