2026-cı il 1 yanvardan Gürcüstanda idxal olunan siqaretlər üçün aksiz markası hazırkı 1.9 lari məbləğindən 2.75 lariyə yüksələcək – bunu “Gürcü Arzusu”

deputatları tərəfindən hazırlanmış qanun layihəsi nəzərdə tutur.
Eyni təşəbbüslə, yerli sənaye üçün siqaretin aksizi hər qutuya görə 1.9 laridən 1.3 lariyə endirilir. İzahat sənədinə görə, dəyişikliklərin məqsədi yerli istehsalın dəstəklənməsidir.

Daha dəqiq desək, yerli istehsal üçün xüsusi kvota tətbiq olunacaq və ilk 35 milyon qutu üçün aksiz endirilmiş tariflə hesablanacaq, 35 milyondan yuxarı həcmlərə isə standart 2.75 lari aksiz tətbiq olunacaq.

Hazırkı vəziyyətə görə, Gürcüstanda əsasən idxal olunan siqaretlər istehlak olunur. 2024-cü il ərzində Maliyyə Nazirliyinin Gəlirlər Xidməti ümumilikdə 355 milyon aksiz markası verib — bunun 330 milyonu idxal olunmuş siqaret, 25 milyonu isə yerli istehsal siqaretləri üçün olub. Gəlirlərə gəlincə, yerli istehsaldan büdcəyə 63 milyon lari, idxaldan isə 1.15 milyard lari daxil olub. Beləliklə, ümumi olaraq tütün aksizlərindən büdcəyə 1.2 milyard lari gəlir əldə edilib.

Hazırda Gürcüstanda demək olar ki, yalnız bir yerli siqaret istehsalçısı mövcuddur. Bu, biznesmen İvane Çxartişviliyə məxsus “Smart Capital” holdinqinə daxil olan “Tbilisi Tobacco” şirkətidir. “Tbilisi Tobacco”nun əsas brendləri “Pirveli”, “Fargo”, “American Gold” və “Indian Strong” siqaretləridir.

Maliyyə hesabatına əsasən, “Tbilisi Tobacco” tərəfindən istehsal olunan siqaretlərin satışı və ölkə üzrə distribusiyasını da yenə “Smart Capital” holdinqinə daxil olan “Geodistribution” şirkəti həyata keçirir. Beləliklə, “Tbilisi Tobacco” məhsulu yalnız “Geodistribution”a satır və distribusiya tam şəkildə həmin şirkət tərəfindən həyata keçirilir.

Maliyyə hesabatlarına görə, 2024-cü ildə “Tbilisi Tobacco”nun gəliri 45 milyon lari, mənfəəti isə 14.8 milyon lari təşkil edib. “Geodistribution”un gəliri isə 128.2 milyon lari, mənfəəti isə 4 milyon lari olub.

Yeni vergi güzəştləri ilə yanaşı, Gürcüstan Parlamenti bir neçə gün əvvəl yerli tütün istehsalı üçün xammalın xaricdən idxalına tətbiq olunan vergi güzəştinin 2028-ci ilə qədər uzadılmasını da dəstəklədi.

 

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---