2026-cı il 1 yanvarından idxal olunan siqaretlərə aksiz dərəcəsi bir qutu üçün 85 tetri artırılaraq 2.75 laridən müəyyən olunur – bunu “Gürcü Arzusu”

deputatları Şota Berekaşvili, Qiorqi Barvenaşvili, Levan Maçavariani və Tornike Berekaşvili tərəfindən irəli sürülmüş qanun layihəsi nəzərdə tutur.

Eyni qanun layihəsinə əsasən, yerli istehsal siqaretlərinə tətbiq olunan aksiz dərəcəsi, hazırda idxal olunanla bərabər olub 1.9 lari təşkil edirdisə, bundan sonra 1.3 lari olacaq.
Bundan əlavə, qanun layihəsinə görə, yerli tütün məhsullarına güzəşt ilk 35 milyon qutuya şamil ediləcək, bu həddi aşan hissəyə isə standart tarif tətbiq olunacaq. Həmçinin, yerli istehsal üçün aksizin advalor komponenti azaldılır və satış qiymətinin 15%-i olaraq müəyyənləşir. İdxal olunan siqaretlərdə isə advalor komponenti 30%-dən 20%-ə endirilir.

Gürcüstanda əsasən idxal olunan tütün məhsullarının istehlak edildiyini nəzərə alaraq, 2026-cı ildən siqaretin orta qiymətinin artacağı gözlənilir.

“Qanun layihəsinin məqsədi yerli istehsalın qorunması və sektorda rəqabət qabiliyyətinin artırılmasıdır. Bu məqsədə çatmaq üçün isə yerli istehsal olunan siqaretlərdə (2402 20 kodu ilə göstərilən tütün məhsullarında, ildə 35 milyon qutuya qədər) aksiz dərəcəsinin azaldılması tələb olunur. Bundan əlavə, 35 milyon qutudan artıq yerli istehsal və idxal olunan siqaretlər üzrə aksiz dərəcələrinin dəyişdirilməsi fiskal və ictimai məqsədlərin həyata keçirilməsi üçün vacibdir.
Yerli istehsal olunan siqaretlərə (2402 20 kodlu tütün növləri, ildə 35 milyon qutuya qədər) aksiz dərəcəsinin azaldılması həm bazar strukturuna, həm də rəqabət mühitinə əhəmiyyətli təsir göstərəcək. Nəticədə, sağlam rəqabət mühiti formalaşacaq və bazarda yerli istehsalın payı artacaq. Bu isə iqtisadi aktivliyin gücləndirilməsi və büdcə gəlirlərinin sabitləşdirilməsi üçün əlverişli şərait yaradacaq. 35 milyon qutudan artıq yerli istehsal və idxal olunan siqaretlər üzrə aksiz dəyişikliyi nəticəsində fiskal və ictimai məqsədlərə nail olunması gözlənilir.

2402 20 kodunda göstərilən yerli istehsal siqaretlər ildə 35 milyon qutuya qədər tütün tərkibli məhsullar üçün hər 20 ədədinə görə 1.3 lari aksizlə vergiyə cəlb olunacaq; 35 milyon qutudan artıq olan yerli, eləcə də idxal olunan siqaretlər isə hər 20 ədədinə görə 2.75 lari aksizlə vergiyə cəlb olunacaq. – 2402 20 koduna daxil olan, ildə 35 milyon qutuya qədər yerli istehsal filtrli və filtrsiz siqaretlər üçün hər 20 ədədinə aksiz dərəcəsi 188-ci maddənin birinci hissəsində göstərilən əsas aksiz dərəcəsi + məhsulun pərakəndə satış qiymətinin 15%-i olacaq. 35 milyon qutudan çox olan yerli istehsal filtrli/filtrsiz siqaretlər üçün isə əsas aksiz dərəcəsi + satış qiymətinin 20%-i tətbiq olunacaq”, – deyə qanun layihəsinin izahat məktubunda qeyd edilir.

Gürcüstan Maliyyə Nazirliyinin Gəlirlər Xidmətinin məlumatına görə, 2025-ci ilin ilk 8 ayında ölkədə 281 milyon qutu siqaret aksiz markası verilib — bunun 263 milyonu idxal olunan, 18.1 milyonu isə yerli istehsal məhsulu olub.

Ümumilikdə, 2024-cü ildə hökumət yerli siqaretlərin aksizindən 63 milyon lari, idxal olunanlardan isə 1.15 milyard lari gəlir əldə edib.
Bundan əlavə, önəmli məqam odur ki, parlament yerli tütün sənayesi üçün tütün xammalının idxalına tətbiq olunan güzəşti 2028-ci ilə qədər uzadıb.

 

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---