Bu gün, 18 noyabr tarixində, Marneulinin yeni Bələdiyyə Məclisinin ilk iclası keçirilib. İclasda 5 məsələ müzakirə edilib və əvvəlki Bələdiyyə Məclisinin üzvləri kimi, yeni üzvlər də bütün məsələlər ilə bağlı müsbət qərarlar qəbul ediblər.

Bələdiyyə Məclisinin ilk iclası sualsız keçdi. Deputatlardan heç biri müzakirə olunan məsələlərlə bağlı heç bir sual vermədi.

Marneuli Bələdiyyə Məclisi tərəfindən müzakirə ediləcək məsələlər arasında 2025-ci il büdcəsinə düzəlişlər, Regionda Həyata Keçiriləcək Layihələr Fondundan maliyyələşdiriləcək layihələrin siyahısının təsdiqi, meriya və Bələdiyyə Məclisinin yanacaq, danışıq kartları üçün limitlərin təsdiqlənməsi var idi.

Regional İnkişaf Fondu Marneulidəki Kəpənəkçi inzibati vahidinin kəndlərində daxili yolların tikintisini planlaşdırır.

“Qeyd olunan layihəyə 6 kənd daxildir – Algeti Üzümçülük Təsərrüfatı, Keşəli, İlməzli, Kəpənəkçi, Birinci və İkinci Kosalı. Ümumilikdə 3,5 kilometr yol var və 1 580 000 lariyə başa gəlir”, – Bələdiyyə Məclisinin iclasında qeyd edilib.

Marneuli Bələdiyyə Məclisinin yanacaq və danışıq kartı limitlərində də dəyişikliklər edilib. Məsələ ilə bağlı çıxış edənin sözlərinə görə, danışıq və yanacaq kartı limitləri dəyişməz olaraq qalır.

“Bildiyiniz kimi, Bələdiyyə Məclisinin yeni tərkibi təsdiqlənib və müvafiq olaraq, Bələdiyyə Məclisinin yanacaq, danışıq kartı limitlərinin müəyyən edilməsi ilə bağlı qərarında dəyişiklik edilir. Bu halda limitlər dəyişmir və yalnız yeni üzvlər üçün təsdiq edilir”, – Bələdiyyə Məclisinin üzvü Teona Parcani bildirib.

18 noyabrda keçirilən iclasda deputatlar həmçinin bələdiyyənin fövqəladə halların idarə edilməsi planının hazırlanmasını dəstəkləyiblər və bu plana əsasən bələdiyyədə təbii fəlakətlərə qarşı əlavə tədbirlər planı müəyyən edilib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415