“Küçə ticarəti şəraitində alınan süd məhsulları sizin sağlamlığınız üçün təhlükəlidir” – bu, Qida Təhlükəsizliyi Milli Agentliyinin əhaliyə ünvanladığı xəbərdarlıqdır.

“Agentlik mütəmadi olaraq istehlakçılara çağırış edir ki, südü qeyri-təşkilatlanmış ticarət məntəqələrindən almasınlar, çünki belə yerlərdə qidanın izlənəbilənliyi təmin olunmur. Yoxlanılmamış heyvani mənşəli qidanın istehlakı həyat və sağlamlıq üçün təhlükəli xəstəliklərlə yoluxma riskini artırır. Vaxtında reaksiya göstərilməsi üçün istehlakçıların

iştirakı çox vacibdir. Qanun pozuntusu aşkar etdikdə isti xəttə – 15-01 nömrəsinə zəng edin”, – deyə agentlik bildirir.

Qurumun məlumatına görə, Qida Təhlükəsizliyi Milli Agentliyi süd və süd məhsullarının nəzarətini ilkin istehsaldan satış mərhələsinə qədər fasiləsiz şəkildə həyata keçirir. Satış şəraiti – etiket, son istifadə müddəti, temperatur rejimi yoxlanılır.

Agentliyin mütəxəssisləri müxtəlif göstəricilər üzrə tədqiq etmək üçün süd və süd məhsullarından nümunələr götürürlər. Süd toplanma məntəqələrində və emal müəssisələrində müxtəlif növ süd məhsullarının hazırlanmasında istifadə olunan çiy süd laboratoriyada yoxlanılır. Yoxlama və tədqiqatların nəticələri barədə məlumat agentlik tərəfindən proaktiv şəkildə yayımlanır.

Qeyd olunur ki, süd laboratoriyada 24 göstərici üzrə yoxlanılır. Bunlara bruselyoz, baytarlıq preparatlarının (antibiotiklərin) qalıqları, aflatoksin, qurğuşun və digər maddələr daxildir.

Həmçinin bildirilib ki, agentliyin prioritetlərindən biri qeydiyyatsız istehsalatların aşkarlanması və onların qanunvericilik çərçivəsinə salınmasıdır.
Ölkə üzrə aparılan monitorinq nəticəsində agentliyin inspektorları süd məhsulları istehsalı üzrə 45 qeydiyyatsız müəssisə aşkar ediblər.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---