“Gürcü Arzusu”nun baş naziri İrakli Kobaxidze hələ də həmin maddənin adını açıqlamır. Söhbət 2024-cü ilin noyabr-dekabr aylarında parlament qarşısında toplaşmış minlərlə insanın dağıdılmasında suya qarışdırılaraq istifadə olunan maddədən gedir.

BBC-nin araşdırmasından sonra mübahisəli hala gəlmiş bu maddənin alınmasına görə məsuliyyəti o, əvvəlki hakimiyyətin Daxili İşlər naziri Vano Merabişviliyə yükləyib və bildirib ki, “Gürcü Arzusu” hökumətinin keçmiş daxili işlər naziri Vaxtanq Qomelaurinin həmin maddəni yoxlamaq öhdəliyi olmayıb.

“TV Pirveli”nin jurnalisti Kobaxidzeyə sual verib:
— “DİN suya hansı maddəni qatdığını bilməli deyil?”

“DİN bilməlidir ki, tozdan istifadə edir, tozun tərkibi barədə qərar 2007 və 2009-cu illərdə qəbul olunub”, - deyə Kobaxidze bildirib.

Jurnalist təkrarən sual verib:
— “Vaxtanq Üomelauri bilirdimi bu toz nə idi?”

İrakli Kobaxidze:
— “Vaxtanq Qomelauri tozun təyinatını bilməli idi. Vaxtanq Qomelauri kimyaçı deyil ki, 2007 və 2009-cu illərdə alınmış tozu özü yoxlasın”.

Baş nazir əlavə edib ki, bu məlumatda “heç bir qalmaqallı şey yoxdur”, çünki həmin maddədən 2007 və 2009-cu illərdə də istifadə olunub.
O həmçinin bildirib ki, “nəzəri cəhətdən Vano Merabişvilinin və Şota Utiashvilinin (keçmiş hakimiyyət dövründə DİN-in Analitik Xidmətinin rəhbəri) məsuliyyəti gündəmə gələ bilər”.

1 dekabrda BBC araşdırma dərc etdi və araşdırmaya əsasən, Gürcüstan hökuməti 2024-cü ilin antinhökumət nümayişlərini dağıtmaq üçün Birinci Dünya müharibəsi dövrünə aid kimyəvi maddədən istifadə edib. Araşdırmadan sonra “Gürcü Arzusu” bəyan etdi ki, BBC-yə qarşı beynəlxalq məhkəmələrdə hüquqi prosesə başlayır.

“Gürcü Arzusu”nun keçmiş parlament lideri Mamuka Mdinaraadzenin rəhbərlik etdiyi Dövlət Təhlükəsizliyi Xidməti iki maddə ilə cinayət işi açdı:

“Vəzifə səlahiyyətlərini aşma”,

“Xarici təşkilata düşmən fəaliyyətdə kömək etmə”.

“İstintaqın məqsədi — BBC-nin yaydığı məlumatın mənbəyi olan şəxslərin müsahibələrinin nəyə əsaslandığını, onların səsləndirdiyi məlumatların məzmununu və bu bilgilərin nə dərəcədə etibarlı ola biləcəyini dəqiqləşdirməkdir”, - DTX-nin bəyanatında deyilir.

DTX BBC-nin araşdırma filmində iştirak edən şəxsləri — həkimləri və vətəndaş cəmiyyəti nümayəndələrini dindirilməyə çağırıb.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.