Ətraf Mühitin Mühafizəsi və Kənd Təsərrüfatı Nazirliyinin Ətraf Mühitin Mühafizəsi üzrə Nəzarət Departamentinin əməkdaşları 2025-ci il 1 noyabr – 30 noyabr tarixləri arasında qanunsuz meşə istifadəsi ilə bağlı ümumilikdə 259 hal qeydə alıblar.

Aşkarlanan pozuntulardan 223-ü meşə materialının qanunsuz kəsilməsi və daşınması ilə əlaqədardır, 36 fakt isə mişarxanaların texniki reglamentləri pozması və qanunsuz fəaliyyət göstərən mişarxanalarla bağlıdır. Ümumilikdə 17 fakt cinayət tərkibinin əlamətlərini daşıyır və materiallar müvafiq qurumlara göndərilib.

Ən çox pozuntu Kaxetidə — 92 fakt qeydə alınıb. Acarada 57, İmeretidə 22, Samtsxe-Cavaxetidə 20, Kvemo Kartlidə 19, Sameqrelo-Zemo Svanetidə 12, Mtsxeta-Mtianetidə 12, Raça-Leçxumi-Kvemo Svanetidə 11, Şida Kartlidə 11, Quryada isə 3 fakt aşkarlanıb.

Ümumilikdə 495 kubmetrdən çox qanunsuz əldə edilmiş meşə materialı müsadirə olunub.

Hesabat dövründə, ölkə üzrə 2 ədəd qeyri-qanuni və qeydiyyatsız mişarxana da möhürlənib.

İlin ümumi göstəricilərinə görə, 2025-ci ilin 11 ayı ərzində ölkə üzrə qanunsuz meşə istifadəsi ilə bağlı 1653 fakt qeydə alınıb və ümumilikdə 57 qanunsuz mişarxana möhürlənib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415