NATO üzvləri Rusiyanın növbəti hədəfi ola bilərlər, buna görə də Moskvanın yaratdığı təhlükəni daha təcili nəzərə almalıdırlar. Belə bir xəbərdarlıqla alyansın baş katibi Mark Rutte çıxış edib.

Bu, Ruttenin indiyədək verdiyi ən kəskin bəyanatlardan sayılır. O, dekabrın 11-də Berlində çıxışında deyib ki, NATO-nun 32 üzvü Rusiyayla müharibənin qarşısını almaq üçün müdafiəni gücləndirməlidir; belə bir müharibə "baba və nənələrimizin üzləşdiyi miqyasda" ola bilər.

"Rusiyanın növbəti hədəfi bizik. Və artıq təhlükə altındayıq", – Rutte deyib. O əlavə edib ki, Rusiya beş il ərzində NATO-ya qarşı hərbi gücdən istifadə etməyə hazır ola bilər.

"Çoxlarının sakitcə arxayınlaşması məni qorxudur. Çoxları durumun necə təcili olduğunu hiss etmir. Çoxları inanır ki, zaman bizim xeyrimizədir. Belə deyil. Hərəkətə keçmək vaxtıdır", – alyans rəhbəri deyib.

Rutte NATO müttəfiqlərini müdafiə xərcləri və istehsalı sürətlə artırmağa çağırıb.

Rusiya dörd ilə yaxındır Ukraynaya qarşı genişmiqyaslı işğala başlayıb. Bu, İkinci Dünya müharibəsindən bəri Avropada ən böyük və ən qanlı münaqişədir. Kreml müharibəyə başlamasının səbəblərindən biri kimi NATO-nun genişlənməsi ehtimalını göstərib.

Rutte, Qərb kəşfiyyat mənbələri müharibənin 1 milyondan çox itkiyə səbəb olduğunu bildirir.

Rusiya prezidenti Vladimir Putin dekabrın 2-də Avropa dövlətlərinə xəbərdarlıq edib ki, əgər onlar Rusiya ilə müharibəyə başlasalar, Moskva döyüşə hazırdır.

Rusiya xarici işlər naziri Sergey Lavrov dekabrın 11-də Moskvada səfirlərlə dəyirmi masada bildirib ki, Kreml nə Aİ-yə, nə də NATO-ya qarşı hərbi hücum planlaşdırır, buna "kollektiv, qarşılıqlı əsasda yazılı və hüquqi təminatlar verməyə hazırdır".

Ötən ay Almaniya və Rumıniya qırıcıları Rumıniyanın hava məkanına daxil olan dronları izləmək üçün havaya qaldırılıb. Bu zaman Rusiya qonşu Ukraynada, Dunay çayı boyunca hədəfləri vururdu.

Rusiya dronlarının Rumıniya və Polşanın hava məkanına, Rusiya hərbi təyyarələrinin Estoniya hava məkanına girməsi fonunda NATO hava müdafiəsini gücləndirmək üçün "Eastern Sentry" təşəbbüsünü başladıb.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.