Noyabrın 11-də Azərbaycan-Gürcüstan sərhədində qəzaya uğrayan "C-130 Hercules" hərbi təyyarəsinə hər hansı müdaxilə izi aşkarlanmayıb. Hadisənin dəqiq səbəbi də hələ müəyyən edilməyib. Bu barədə "Haber Türk" xəbər yayıb.

Təyyarənin "qara qutu"su araşdırılarkən quyruq hissədəki heyətdən bir şəxsin "vay" (eyvah) deyə qışqırdığı eşidilir. Məhz bu səsdən sonra təyyarənin quyruq hissəsi gövdədən ayrılır.

Təyyarədə partlayış, zərbə və ya kənardan raket müdaxiləsinə dair iz tapılmadığı bildirilir.

"C-130 Hercules" Azərbaycandan havaya qalxandan sonra Gürcüstan üzərində quyruq hissəsi qopub, 20 hərbçi həlak olub. Təyyarənin hissələri və "qara qutu"su üzərində bir aydır texniki araşdırma aparılsa da, qəzanın səbəbləri hələlik bilinmir.

"Haber Türk" yazır ki, hərbi təyyarə ilə bağlı Milli Kəşfiyyat Təşkilatı (MİT) da intensiv işləyir. Texniki nasazlıq daxil bütün versiyalar, sabotaj ehtimalı da araşdırılır.

Bu kimi qəzalar zamanı pərlərdən birinin qoparaq gövdəyə zərər vurması ehtimalı da araşdırılıb, lakin texniki araşdırma belə bir halın olmadığını göstərib. Bütün pərilər mühərriklərin üzərində, ayrılmamış vəziyyətdədir.

Təyyarənin yük bölməsindəki 3.5-4 tonluq yükün Azərbaycana gedən F-16 ehtiyat hissələri və hərbi texniki personal olduğu müəyyən edilib. Yəni, təyyarənin həddindən artıq yüklənmədiyi bildirilir.

Heyətin "vay" qışqırığının quyruqda yaranan problemlə bağlı olduğu anlaşılır.

"Haber Türk" yazır ki, təyyarədə 19 nəfər uçmalı idi, son anda daha bir hərbçinin adı əlavə olunub. Həmin şəxs siyahıya adını özü, əl yazısı ilə əlavə edib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.