Marneuli şəhərinin bəzədilməsinə ümumilikdə 185 600 lari xərclənəcək. Marneuli şəhərində küçələrin bəzədilməsi üçün mövcud yeni il bəzəklərinin yoxlanılması və bərpası, həmçinin illüminasiyaların quraşdırılması ilə bağlı elan edilmiş 210 600 lari dəyərində tenderdə üç şirkət iştirak edib. Şəhərin işıqlandırılması işlərini “Geo Stream” MMC, Laşa Kvaratsxelia və “GMG Construction” MMC həyata keçirmək istədiklərini bildiriblər. Tenderdə ən aşağı qiymət təklif edən “GMG Construction” qalib gəlib. Meriya şirkətlə müqavilə bağlayıb.

Tender sənədlərinə əsasən, şəhərdə fəvvarə, Mağalaşvili körpüsü, meriya binası və ərazisi, Rustaveli küçəsi kanaldan Səməd Vurğun meydanına qədər, Mədəniyyət Evi və ətraf ərazisi, eləcə də şəhərin əsas yolkası bəzədiləcək.

Ən çox vəsait — 35 000 lari — Rustaveli küçəsində 700 metrlik pərdə tipli işıqlandırmanın quraşdırılmasına xərclənəcək. Bununla Rustaveli küçəsi işıqlandırılacaq.

Yolkanın bəzədilməsi 33 000 lariyə başa gələcək. Həmin vəsaitə aşağıdakılar daxildir:

• mövcud 15 metrlik konus tipli yolkanın quraşdırılması — 9 000 lari;
• yolka ağacına 1 200 metr kəndirin dolanması — 900 lari;
• 1 ədəd yolka üçün 3D ulduzun hazırlanması — 2 000 lari;
• yolka üçün 40 ədəd qızılı rəngli dibond konstruksiyasının hazırlanması — 13 000 lari.

Durmuşxan Mağalaşvili körpüsünün işıqlandırılmasına 15 000 lari xərclənəcək. Fəvvarənin bəzədilməsi 8 000 lariyə, Rustaveli küçəsinin Ədliyyə Evindən körpüyə qədər olan hissəsinin bəzədilməsi 10 500 lariyə başa gələcək. Meriya binası və ərazisinin bəzədilməsinə 20 000 lari, Mədəniyyət Evi və ərazisinə 6 000 lari ayrılacaq. Rustaveli küçəsinin Durmuşxan Mağalaşvili körpüsündən Qara Arxa qədər olan hissəsinin bəzədilməsinə 17 500 lari, “Yenə də Böyüyəcəklər” parkı və ərazisində yerləşən arkanın bəzədilməsinə isə 10 000 lari xərclənəcək.

Yerli özünüidarəetmə 2026-cı ili qeyd etmək üçün üç müxtəlif tender elan edib. Onlara şəhərin bəzədilməsi, yolkanın işıqlandırılması mərasiminin təşkili və ehtiyacı olan ailələr üçün yeni il sovqatının hazırlanması daxildir. Yerli özünüidarə yolkanın işıqlandırılması mərasiminin təşkilinə 76 400 lari, aztəminatlı ailələr üçün qida məhsullarının alınmasına isə 60 555 lari xərcləyəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.