"Fereydandan Gürcüstana" təşkilatı İranda cərəyan edən hadisələrlə bağlı bəyanat yayır.

Onların məlumatına görə, kommunikasiya məhdudiyyətləri şəraitində əldə edilən informasiyaya əsasən, İsfahan şəhərində 20-dən çox Fereydan gürcüsü öldürülüb.

Təşkilatın məlumatına görə, ölənlər arasında 70 yaşlı qadın da var.

"Ölənlər arasında son dərəcə sarsıdıcı və faciəvi bir hadisə var: qucağında azyaşlı nəvəsini (qız uşağını) tutan təxminən 70 yaşlı qadın

birbaşa odlu silahla açılan atəş nəticəsində öldürülüb. Bu qəddarlıq təkcə ölçüyəgəlməz ağrı deyil, həm də bu açıq cinayətə qarşı böyük qəzəb və hiddət doğurur", — deyə bəyanatda bildirilir.

Təşkilatdan izah edirlər ki, İranda internet və telefon əlaqəsində yaranan problemlərə görə məlumatlar tam deyil. Onların sözlərinə görə, qeyd olunan məlumat yalnız İsfahan şəhərinə aiddir, bilavasitə Fereydan və Tehran haqqında dəqiq məlumat əldə etmək isə bu mərhələdə mümkün deyil.

"Mövcud vəziyyəti və kəsilmiş əlaqələri nəzərə alaraq, qurbanların sayının artması ehtimalı çox yüksəkdir. Hazırda Fereydanın özü və digər şəhərlər, o cümlədən Tehranın vəziyyəti barədə heç bir etibarlı məlumatımız yoxdur ki, bu da narahatlığımızı ikiqat artırır", — deyə təşkilatdan bildirirlər.