Tbilisidə 2026-cı il Milad–Yeni il bayramları ilə əlaqədar tədbirlər başa çatıb.

Bayram proqramı paytaxtda 34 gün ərzində davam edib və Tbilisi meri Kaxa Kaladzenin bildirdiyinə görə, bu il xüsusilə genişmiqyaslı və rəngarəng olub.

Kaladzenin paytaxt hökumətinin iclasında qeyd etdiyi kimi, “Yeni il kəndi”ndə keçirilən tədbirlər həm Tbilisi sakinləri, həm də şəhərin qonaqlarında müsbət təəssürat yaradıb.

“Ümid edirəm ki, Yeni il tədbirləri hər kəs üçün xoş əhval-ruhiyyə yaradıb. Bu fürsətdən istifadə edərək, meriyanın hər bir əməkdaşına, tədbirlərin təşkilində iştirak edən bütün qurumlara və insanlara təşəkkürümü bildirirəm. Xüsusi təşəkkür Daxili İşlər Nazirliyinə düşür, çünki bütün bu müddət ərzində təhlükəsizlik və asayiş təmin olunub. Eyni zamanda, şirkətlərə, sahibkarlara, artistlərə, aktyorlara, musiqi qruplarına və bütün yaradıcı kollektivlərə uğurlu əməkdaşlığa görə minnətdarlığımı bildirirəm”, – deyə Kaxa Kaladze bildirib.

Onun sözlərinə görə, Tbilisi meriyası gələcək illərdə də bu formatda tədbirlərin təşkili praktikasını davam etdirəcək ki, paytaxtda həm yerli sakinlər, həm də turistlər üçün yeni il ab-havalı, sehrli mühit yaradılsın.

Paytaxt meri çıxışında ölkədə sülhün əhəmiyyətinə də toxunaraq vurğulayıb ki, hakim komandanın siyasəti ilk növbədə sabitliyin və əmin-amanlığın qorunmasına yönəlib.

“Sülhün alternativi yoxdur. Qlobal proseslər fonunda ölkədə sabitliyin qorunması xüsusilə vacibdir. Fürsətdən istifadə edərək, bütün Gürcüstanı Milad və Yeni il münasibətilə bir daha təbrik edir, hər kəsə sülh, sağlamlıq və rifah arzulayıram. Qoy 2026-cı ilin əsas dəyərləri xeyirxahlıq, sevinc və xoşbəxtlik olsun”, – deyə Kaxa Kaladze qeyd edib.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.