Dövlət Təhlükəsizliyi Xidməti Rusiyanın “Qazprom” şirkəti ilə imzalanmış müqavilənin gizli saxlanılan əlavəsinin Hökumət Administrasiyasının veb-saytında dərc olunması və mediada yayılmasının səbəblərini araşdırmaq üçün,

sabotaj və kompüter sisteminə icazəsiz müdaxilə maddələri ilə cinayət işi başlayıb.

“Administrasiyanın veb-saytına ehtimal olunan kiberhücum həyata keçirilib və müəyyən manipulyasiyalar aparılıb. Bu addımların məqsədi yanlış məlumatın ictimai məkan vasitəsilə yayılması ilə Gürcüstanın dövlət maraqlarına

zərər vurmaq, o cümlədən ölkə üçün zərərli siyasi və iqtisadi nəticələr yaratmaq olub”, - DTX-nin açıqlamasında bildirilir.

Cinayət işi Gürcüstan Cinayət Məcəlləsinin iki maddəsi üzrə açılıb:
• 284-cü maddə – kompüter sisteminə icazəsiz daxilolma;
• 318-ci maddə – sabotaj.

Ötən ilin 25 dekabrında Hökumət Administrasiyasının veb-saytında “Qazprom”la bağlanmış müqaviləyə dair sərəncam dərc olunub və həmin sənədə qiymətlə bağlı məlumat əlavə edilib. Halbuki razılaşma kommersiya sirri hesab olunurdu. Buna baxmayaraq, məlumat hökumətin veb-saytı vasitəsilə ictimailəşdirilib.

Sənədin yayılması barədə ilk olaraq “Formula” televiziyasının “Həqiqi hadisə – Eliso Cariatşvili ilə birlikdə” verilişinin anonsunda məlumat verilib, daha sonra BM.GE bu haqda xəbər yayıb.

“Dövlət maraqlarına dəymiş ziyanın aradan qaldırılması məqsədilə, preventiv olaraq, media nümayəndələrinə və ayrı-ayrı şəxslərə məlumatın yayılmasından çəkinmək tövsiyə edilib”, - bəyanatda deyilir.

Bundan bir neçə saat sonra hökumətin veb-saytından #2212 nömrəli sərəncam silinib və media qurumları artıq yayımladıqları xəbərlərdə düzəliş ediblər. BM.GE redaksiyası bildirib ki, “dövlət maraqlarını nəzərə alaraq”, sənədi saytdan yığışdırmaq qərarını veriblər.

Gürcüstan Enerji Tənzimləmə Komissiyasının və “Qazprom”un məlumatlarına görə, Gürcüstan Rusiyadan aldığı təbii qaza görə 1000 kubmetr üçün 185 dollar ödəyir.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.