İnquşetiyadan 21 yaşlı Ayna Mankiyeva Moskvada saxlanılıb. O, məişət zorakılığından qaçdığını deyib. Məlumatı "Marem" hüquq müdafiə qrupu yayıb. Hüquq müdafiəçilərinin bildirdiyinə görə, polis onu İnquşetiya əməliyyatçılarına təhvil vermək istəyir.

Mankiyeva evdən 2025-ci ilin aprelində qaçıb. Onun üzərində heç pasportunun belə olmadığı bildirilir. "Kavkaz.Realii" hüquq müdafiəçilərinə əsasən yazır ki, Mankiyevanın atası İnquşetiyada "Batal-Hacı qardaşlığı" təriqətinə aiddir, əvvəllər uşaq alverində ittiham olunub.

Ayna qaçandan sonra qohumları onu itkin şəxs kimi axtarışa veriblər, amma sonradan axtarışdan çıxarılıb. İndi isə o, oğurluqda şübhəli bilinərək saxlanılıb. Məişət zorakılığından qaçan qızları zorla evə qaytarmaq üçün qohumlar adətən bu maddədən istifadə edirlər.

"Marem" Mankiyevanın polisə yazdığı ərizəni də yayımlayıb. Ərizədə qız qohumlarının seksual xarakterli zorakılığına məruz qaldığını iddia edir. O, oğurluq ittihamını rədd edir.

"Marem" qrupunun açıqlamasında deyilir: "Aynanın həyatı əsl kabus olub. Onu heç bir halda İnquşetiyaya qaytarmaq olmaz. Onun Səda Süleymanova kimi birdəfəlik yoxa çıxmaq riski çox böyükdür. Sədanın nə ölüsü, nə də dirisi tapılıb".

Çeçenistan əsilli Süleymanova Sankt-Peterburqda saxlanılaraq Çeçenistana aparılıb və artıq bir neçə ildir ondan xəbər yoxdur. Dostları və hüquq müdafiəçilərinin fikrincə, o, qohumlarının "namus qətli" adlandırılan cinayətinin qurbanı ola bilər.

Aynanın atası Hambor Mankiyev "Ostorojno, Media"ya qızının doğrudan da evdən qaçdığını bildirib. Dediyinə görə, qızının saxlanılmasından xəbəri yoxdur, kimsə onu ailəni dağıtmaq üçün "verbovka" edib: "Anasız, atasız, qardaşsız, bacısız heç kim xoşbəxt ola bilməz. Mən onu nəyin bahasına olursa-olsun tapacağam".

Nəşr Mankiyevanın artıq bir neçə saatdır Sviblovo polis bölməsində saxlanıldığını yazır.

Məişət zorakılığı Şimali Qafqazın sistemli problemlərindən biridir. Polis adətən bu halları gözardı edir, cinayət işləri açılsa belə, məhkəmələr minimal cəzalar verir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.