“Gürcü Arzusu” hakimiyyətinin baş naziri İrakli Kobaxidze bu günü tarixi adlandırıb.

Onun sözlərinə görə, fransız Groupe ADP şirkəti ilə müqavilə imzalanır və həmin müqaviləyə əsasən, Vaziani hava limanı tikilənədək Tbilisi Beynəlxalq Hava Limanı genişləndiriləcək.

“Mən xüsusilə Groupe ADP-yə və TAV şirkətinə Gürcüstanın hava limanlarının inkişafı prosesində uzun illər davam edən səmərəli əməkdaşlığa görə təşəkkürümü bildirirəm”, – deyə Kobaxidze bildirib.

Onun sözlərinə görə, hava limanının genişləndirilməsi üçün 150 milyon dollar həcmində investisiya qoyulacaq. O əlavə edib ki, Groupe ADP-yə məxsus TAV şirkəti Tbilisi Beynəlxalq Hava Limanının idarəçiliyini daha 5 il – 2031-ci ilin sonunadək davam etdirəcək.

Yeni hava limanının tikintisi ideyasını “Gürcü Arzusu” hakimiyyəti hələ 2023-cü ildə səsləndirmişdi. O zamanın baş naziri İrakli Qaribaşvili bildirmişdi ki, beynəlxalq səviyyəli hava limanının tikintisinə 2024-cü ildə başlanacaq.

İrakli Qaribaşvili vəzifədə olduğu dövrdə pul yuyulmasına görə məhkum edilib. O, beş ilini həbsdə keçirəcək.

“Bizim hesablamamıza görə, bu proses 3 il çəkəcək – 2028-ci ilin sonunda müasir və yeni infrastrukturumuz olacaq və ilk uçuşların həyata keçirilməsi, eləcə də hava limanının tam yüklənməsi mümkün olacaq”, – bunu 2024-cü ilin aprelində o vaxtkı iqtisadiyyat naziri Levan Davitaşvili demişdi.

Gürcüstanda üç beynəlxalq hava limanı var və onlardan ikisini – Batumi və Tbilisi hava limanlarını TAV Urban Georgia idarə edir. Dövlətlə 2005-ci ildə bağlanmış müqaviləyə əsasən, şirkət bu hüquqa 2027-ci ilədək sahibdir. Həmin müqaviləyə görə, Tbilisi hava limanından 150 km radiusda yeni beynəlxalq hava limanı tikilə bilməz. Google Maps-ə əsasən, Tbilisi hava limanından Vazianinin keçmiş aerodromuna təxminən 15 km məsafə var.

“Gürcü Arzusu”nun artıq üçüncü ildir ki, tikintisindən danışdığı yeni hava limanı Tbilisinin yaxınlığında – Vazianidə inşa edilməlidir. Həmin ərazidə Gürcüstan Silahlı Qüvvələrinin ən böyük və yaxşı təchiz olunmuş çoxprofilli hərbi bazası, həmçinin Gürcüstan–NATO birgə hazırlıq mərkəzi yerləşir. Bu obyektlər dəfələrlə Rusiyanın narazılığına səbəb olub.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.