“Gürcü Arzusu” hökumətinin baş naziri İrakli Kobaxidze Davos İqtisadi Forumunda iştirak etməyəcək.

“Azadlıq Radio”su hökumət administrasiyasından öyrənib ki, o, tədbirə dəvət olunmayıb.

2026-cı ilin 19–23 yanvar tarixlərində hökumət, biznes və vətəndaş cəmiyyəti liderlərinin iştirakı ilə Dünya İqtisadi Forumunun 56-cı illik toplantısı keçiriləcək.

“Bu illik toplantı 2026-cı ildə dünyanın inkişafı üçün zəruri olan müxtəlif baxışları bir

araya gətirir... Dərin geosiyasi, texnoloji və ictimai dəyişikliklərlə xarakterizə olunan bir dövrdə Dünya İqtisadi Forumunun illik toplantısı dialoq, əməkdaşlıq və fəaliyyət üçün qərəzsiz platformadır”, - Forum barədə yayımlanan məlumatda deyilir.

2026-cı il toplantısında iştirak edənlər arasında ABŞ prezidenti Donald Tramp, Kanadanın baş naziri Mark Karni, Almaniyanın kansleri Fridrix Mers, Avropa Komissiyasının prezidenti Ursula fon der Lyayen, Ukrayna prezidenti Volodimir Zelenski və digər dövlətlərin yüksək səviyyəli siyasi rəhbərləri, həmçinin beynəlxalq təşkilatların nümayəndələri var. Forumda, həmçinin, 1700 biznes lideri və vətəndaş cəmiyyəti təmsilçisi iştirak edir.

Gürcüstanın nümayəndəsi 2025-ci ildə də Davos Forumunda iştirak etməmişdi.

Xüsusilə 2024-cü ilin sonlarında – Gürcüstanda parlament seçkiləri keçirildikdən və İrakli Kobaxidze dörd il ərzində Avropa İttifaqına üzvlük üçün zəruri olan danışıqların başlanması məsələsini qaldırmayacaqlarını bəyan etdikdən sonra – “Gürcü Arzusu” hakimiyyəti həm ölkə daxilində, həm də beynəlxalq arenada ciddi siyasi böhranla üzləşib.

Bu günə qədər 2024-cü il parlament seçkilərinin nəticələrinin legitimliyini cəmiyyətin böyük hissəsi tanımır. Bu sıralara etiraz aksiyalarının iştirakçıları, müxalifət partiyaları, qeyri-hökumət təşkilatları və Gürcüstanın beşinci prezidenti Salome Zurabişvili daxildir. Parlamentin, hökumətin və altıncı prezidentin legitimliyinə dair suallar Gürcüstanın beynəlxalq tərəfdaşları tərəfindən də səsləndirilir.

2024-cü ilin noyabr–dekabr aylarında etirazların zorakılıqla dağıdılması fonunda ABŞ Gürcüstanla strateji tərəfdaşlığı dayandırdı və milyarder, keçmiş baş nazir, “Gürcü Arzusu”nun fəxri sədri Bidzina İvanişviliyə, eləcə də hökumətin yüksək vəzifəli şəxslərinə sanksiyalar tətbiq etdi.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.