Polis radikal faşist (neonasist) qruplaşmanın üzvü olmaqda ittiham olunan 16 nəfəri ölkə üzrə həyata keçirilən əməliyyatlar nəticəsində saxlayıb.

Onların arasında 10 yetkinlik yaşına çatmayan var. Bu barədə Tbilisi Polis Departamentinin direktoru Vaja Siradze brifinq zamanı məlumat verib.

“Saxlanılan şəxslər müxtəlif yaş qruplarına aid insanlara fiziki və psixoloji zorakılıq tətbiq edirdilər... Qrupun üzvləri özlərini neonasist adlandırır və

faşist ideologiyasına əsaslanırdılar. Təsir dairələrini genişləndirmək və tanınmaq məqsədilə onlar qurbanlara qarşı radikal münasibət göstərirdilər. Onların ideologiyasına razılaşmayan şəxsləri xüsusi qəddarlıqla cəzalandırırdılar”, - deyə Vaja Siradze bildirib.


Vaja Siradzenin sözlərinə görə, zorakılığı əks etdirən görüntülər sosial şəbəkələrdə də yayılırdı. 10-dan çox şəxs zərərçəkmiş kimi tanınıb, onların arasında dörd nəfər yetkinlik yaşına çatmayan var.

DİN işi Gürcüstan Cinayət Məcəlləsinin 144-cü prim maddəsinin ikinci hissəsinin “z” bəndi və üçüncü hissəsinin “b” bəndləri ilə araşdırır. Mövcud qanunvericiliyə əsasən, yetkinlik yaşına çatmayan şəxsə qarşı qrup halında həyata keçirilmiş qeyri-insani rəftar 10 ilədək azadlıqdan məhrumetmə ilə cəzalandırılır.

Vaja Siradze əlavə edib ki, Gürcüstanda radikal faşist qruplaşmaların iki lideri — Levan Abesadze və David Cafarov — oxşar ittihamlarla artıq həbsdədir:

“Onlarla birlikdə daha yeddi qrup üzvü də saxlanılıb. Araşdırma müəyyən edib ki, həmin ideologiyanı paylaşan digər qrup üzvləri zorakı əməl və hərəkətləri davam etdirirdilər ki, bu da istintaq çərçivəsində toplanmış sübutlarla təsdiqlənib.”

 

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.