Parlamentdə “Gürcü Arzusu” fraksiyasının üzvü İrakli Kadaqişvili bildirib ki, Ermənistanla Azərbaycan arasında yükdaşımalar başlanacağı halında da Gürcüstan öz iqtisadi funksiyasını itirməyəcək.

O, Parlamentdə jurnalistlərə deyib ki, “35 illik müharibənin başa çatması, sözsüz ki, ticarət, logistika və qarşılıqlı hərəkət imkanlarını açdı”.

“Gürcüstan heç bir funksiyasını itirmir. Cənubi Qafqazda yaranmış bu sülh imkan verəcək ki, region güclü inkişaf məkanına

çevrilsin.
Sülhdə pozitiv axtarın, müharibədə deyil.
Yəni siz deyirsiniz ki, Ermənistanla Azərbaycan arasında müharibə olduğu və heç bir iqtisadi əlaqə mövcud olmadığı üçün Gürcüstan tranzit baxımından müəyyən funksiyanı icra edirdi?! İndi isə sülh yaranıb, tərəflər arasında ticarət, hərəkət və tranzit olacaq deyə, Gürcüstan funksiyasını itirdi?!” – deyə İrakli Kadaqişvili bildirib.

Davos İqtisadi Forumunda iştirak edən Azərbaycan və Ermənistan prezidentləri 20 yanvarda bəyan ediblər ki, hazırda Gürcüstan ərazisindən keçməklə daşınan yüklər gələcəkdə iki ölkə arasında birbaşa daşınacaq. Hazırda bu cür yüklərin həcmi azdır.

Gürcüstan bu il də Davos İqtisadi Forumunda iştirak etmir. “Gürcü Arzusu” hökumətinin baş naziri İrakli Kobaxidze, 2025-ci ildə olduğu kimi, bu il də foruma dəvət olunmayıb.

2026-cı ildə Forum iştirakçıları arasında ABŞ Prezidenti Donald Tramp, Kanada Baş naziri Mark Karni, Almaniya kansleri Fridrix Mers, Avropa Komissiyasının prezidenti Ursula fon der Lyayen, Ukrayna Prezidenti Volodimir Zelenski və digər ölkələrin yüksək vəzifəli rəsmiləri, beynəlxalq təşkilatların təmsilçiləri var. Bundan əlavə, tədbirdə 1700 biznes lideri və vətəndaş cəmiyyəti nümayəndəsi iştirak edir.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.