Gürcüstanın üçüncü prezidenti Mixeil Saakaşvili tələb edir ki, “Gürcü Arzusu” onu həbsxanadan da olsa debatlara qoşulmağa dəvət etsin.

Xüsusilə, Saakaşvili baş nazir İrakli Kobaxidzenin həmin açıqlamasına münasibət bildirib; Kobaxidze demişdi ki, insanlara debatlarda iştirak etmək imkanı yenidən verilməlidir.

“İvanişvilinin əsas vəziri hansı debatdan danışır, əgər xalqın əksəriyyətinin dəstəklədiyi əsas rəqibi, yəni məni həbsdə saxlayırlar və hətta

“məhkəməyə” gələnlərə mənim bütün şəkillərimi sildirdilərsə...
Əgər İvanişvili qorxmursa, qoy məni hətta həbsxanadan canlı debatlara qoşsunlar! Amma nəyi danışıram – məhkəmələrdən canlı qoşulmanı belə qadağan etdilər”, – Saakaşvili yazıb.

Xatırladaq ki, baş nazir İrakli Kobaxidze sosial şəbəkədə yazıb ki, gələcəkdə gürcü xalqı düzgün analiz əsasında qərar verə bilsin deyə, hakimiyyətdə olmaq iddiası olan bütün siyasi qrupların mövqeyini açıq şəkildə eşitmək imkanı olmalıdır.

“Biz gürcü xalqına demokratiyanın əsas prinsiplərindən biri olan – debatlarda iştirak etmək hüququnu geri qaytarmağa borcluyuq və qeyri-formal güclərə və onların “gürcü” agenturasına öz gündəliklərini bizə zorla qəbul etdirməyə imkan verməməliyik. Biz ictimai müzakirəni yenidən ictimai həyatın ayrılmaz hissəsinə çevirməliyik, çünki bu, tam demokratik sistemin işləməsi üçün həyati əhəmiyyət daşıyır”, – deyə baş nazir qeyd edib.

Kobaxidzenin sözlərinə görə, qeyri-formal oliqarxik idarəetmə planının məqsədi fərqli fikri boğmaq, debat üçün bütün məkanları məhv etmək və onların ideologiyasını ifşa edə biləcək platformaları maksimum dərəcədə məhdudlaşdırmaq idi. Bu proses Gürcüstanı da müəyyən qədər təsirləndirib, lakin fərq ondadır ki, “dərin dövlətin” agenturası yalnız bir şeyi – ölkədə illərlə formalaşmış siyasi, iqtisadi və sosial debat mədəniyyətinin dayanmasını bacarıb.

Onun sözlərinə görə, qeyri-formal idarəçilərin bu tapşırığının həyata keçirilməsinin əsas “bayraqdarına” Nika Qvaramia çevrilib — “ona himayədarları tərəfindən tam radikallaşma tapşırılmışdı”.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.