Ətraf Mühitin Mühafizəsi və Kənd Təsərrüfatı Nazirliyinin Ekoloji Nəzarət Departamentinin əməkdaşları brakonyerliyə qarşı mübarizə çərçivəsində 2025-ci il yanvarın 1-dən dekabrın 31-dək ölkə üzrə qanunsuz balıq ovunun 805 faktını aşkar ediblər. Müəyyən olunan qayda pozuntularından 368 halda cinayət tərkibi əlamətləri mövcuddur və müvafiq materiallar sonrakı reaksiya üçün aidiyyəti qurumlara göndərilib.

Statistikaya əsasən, qanunsuz balıq ovunun ən çox qeydə alındığı region Mtsxeta–Mtianeti olub — 230 fakt. Sameqrelo–Yuxarı Svaneti regionunda 127, İmeretidə 117, Kvemo Kartlidə 98, Şida Kartlidə 57, Kaxetidə 45, Acarıstan və Quriya regional idarəsinin ərazisində 43, Samtsxə–Cavaxetidə isə 15 fakt aşkarlanıb.

2025-ci il ərzində Departamentin Qara dənizin mühafizəsi üzrə konvensiya idarəsinin əməkdaşları tərəfindən qanunsuz balıq ovunun 64 faktı müəyyən edilib.

Paytaxt Tbilisidə isə ötən il ekoloji patrul və operativ reaksiya əməkdaşları qanunsuz balıq ovunun 9 faktını qeydə alıblar. Onlardan 7 halda cinayət tərkibi əlamətləri aşkar olunub.

Nazirliyin məlumatına görə, brakonyerlər tərəfindən qanunsuz əldə edilən balığın ümumi həcmi 700 kiloqramdan çox olub.

Ekoloji Nəzarət Departamenti üçün qanunsuz balıq ovunun qarşısının alınması, aşkarlanması və profilaktikası əsas prioritetlərdən biridir. Son illərdə departamentin gücləndirilməsi istiqamətində ardıcıl işlər görülür. Bu çərçivədə müasir avadanlıqların alınması, elektron sistemlərin tətbiqi, əməkdaşların iş şəraitinin yaxşılaşdırılması, regional ofislərin tikintisi və bərpası, eləcə də kadrların nəzəri və praktiki biliklərinin artırılması həyata keçirilir.

Bununla yanaşı, sosial şəbəkələrdə yayılan foto və videolara xüsusi diqqət yetirilir və hüquq-mühafizə orqanları bu materiallara dərhal reaksiya verir. Brakonyerliyə qarşı mübarizədə artıq yüksək keçid qabiliyyətli avtomobillər, bagilər, müxtəlif qayıq və katerlər, dronlar, foto-tələlər və termal dürbünlər aktiv şəkildə istifadə olunur. Departamentin imkanlarının artırılması və müasir texnologiyaların tətbiqi nəticəsində qanunsuz balıq ovu faktlarının 24 saat ərzində və daha geniş ərazilərdə aşkarlanması mümkün olub.

Qurumun izahına görə, son illərdə aşkarlanan faktların artması nəzarətin gücləndirilməsi ilə bağlıdır. 2024-cü ildə departament 653 fakt müəyyən edib, onlardan 275-i cinayət tərkibli olub. 2025-ci ildə isə əməkdaşlar ölkə üzrə daha çox ərazidə, əvvəlki illə müqayisədə 152 fakt artıq qanunsuzluğun qarşısını alıb və aşkarlayıblar.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.