27 yaşlı gəncin qətli ilə bağlı 2 xüsusi təyinatlı polis əməkdaşı saxlanılıb.

Söhbət 2024-cü ilin dekabrında Tbilisidə baş vermiş qətldən gedir. Həmin vaxt 27 yaşlı Mişo Kavtaradze yaşadığı binanın həyətində qətlə yetirilib. Hadisə zamanı Mişo Kavtaradzenin atası və ailənin iki qonşusu da yaralanıb. Hadisəni əks etdirən video görüntülər mövcuddur.

Xüsusi təyinatlı polis əməkdaşları hadisədən bir ildən çox vaxt keçdikdən sonra – fevralın 5-də saxlanılıblar. “TV Pirveli”nin məlumatına görə, saxlanılan şəxslər Tornike Qoqidze və Otar Maranelidir. Prokurorluq “Netgazet”ə bildirib ki, onlar Gürcüstan Cinayət Məcəlləsinin 225-ci maddəsinin 2-ci hissəsi (qrup halında zorakılıqda iştirak) ilə ittiham olunurlar.

Qətlə yetirilən gəncin anası “TV Pirveli”yə bildirib ki, xüsusi təyinatlılar qrup zorakılığına görə deyil, qətldə iştirak etdiklərinə görə saxlanılmalı idilər.

Onun sözlərinə görə, hadisə yerinə soyuq silahı məhz xüsusi təyinatlılar gətiriblər. Daha sonra Mişo Kavtaradze xüsusi təyinatlılardan biri Tornike Qoqidzenin qardaşı – Datо Qoqidze tərəfindən yaralanıb. Dato Qoqidze hadisədən dərhal sonra isti izlərlə saxlanılıb.

“Bir

ildən sonra da olsa, saxladıqları üçün təşəkkür edirəm. Amma onları yalnız qrup zorakılığına görə saxlayıblar, qətldə şəriklik maddəsi yoxdur. Tələb edirəm ki, ittiham yenidən tövsif edilsin. Hadisə ilk gündən düzgün araşdırılmayıb. Əgər əvvəlcədən bütün iştirakçılar saxlanılsaydı, sübutlar da tapılardı. Təəssüf ki, iş ört-basdır edildi. Xüsusi təyinatlıların məsuliyyətdən yayınmasına çalışdılar.

Həmin şəxs mənim yaralı, huşsuz oğlumun üstünə çıxıb və onu amansızcasına döyüb. Tornike Qogidze elə həmin gün saxlanılmalı idi, bir il sonra yox. O isə bu müddət ərzində işləməyə davam edirdi. Daha bir neçə nəfər də azadlıqdadır və onların da saxlanılmasını tələb edirəm”, – deyə Mişo Kavtaradzenin anası bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.